Вы тут

З 27 верасня БЧ прызначыла новы цягнік па маршруце Гомель - Віцебск


У мэтах павышэння ўзроўню транспартнага абслугоўвання насельніцтва Беларуская чыгунка з 27 верасня па 26 кастрычніка прызначыла новы цягнік, які па нядзелях і панядзелках звяжа тры абласныя цэнтры — Гомель, Магілёў і Віцебск.


Як паведамляе прэс-цэнтр магістралі, цягнік № 697/698 будзе адпраўляцца з Гомеля па нядзелях у 17.16 і прыбываць у Віцебск у 23.26. У адваротным кірунку з Віцебска цягнік адправіцца ўжо пасля апоўначы — у 1.00 панядзелка і ў 7.36 прыбудзе на станцыю Гомель. У шляху састаў зробіць прыпынкі на станцыях Буда-Кашалёўская, Жлобін, Рагачоў, Быхаў, Магілёў, Шклоў і Орша.

Кошт праезду ў плацкартным вагоне ад Гомеля да Віцебска складзе 10,96 рубля, а ў купэйным — 15,20 рубля.

Падрабязнасці аб раскладзе і кошту праезду можна даведацца праз мабільны дадатак «БЧ. Мой цягнік», на сайце pass.rw.by, а таксама па нумары 105 Кантакт-цэнтра Беларускай чыгункі.

Сяргей РАСОЛЬКА

Прэв’ю: ru.depositphotos.com

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.