Узнагарода найлепшаму гульцу сезона ў Еўропе будзе ўручана 1 кастрычніка. Пра гэта паведаміў афіцыйны сайт УЕФА.
У тройку прэтэндэнтаў увайшлі паўабаронца Кевін дэ Брэйне («Манчэстар Сіці»), нападаючы Роберт Левандоўскі («Баварыя»), галкіпер Мануэль Ноер («Баварыя»).
Тройка прэтэндэнтаў была адабрана па выніках галасавання 55 журналістаў з усіх асацыяцый УЕФА, а таксама 80 трэнераў клубаў-удзельнікаў групавога этапу Лігі чэмпіёнаў-2019/20 i Лігі Еўропы-2019/20.
Нападаючы «Барселоны» Ліянэль Месі ў галасаванні падзяліў чацвёртае-пятае месцы з форвардам ПСЖ Неймарам, а форвард «Ювентуса» Крышціяну Раналду заняў толькі дзесятае месца.
Таксама УЕФА назваў прэтэндэнтаў на ўзнагароду найлепшага трэнера сезона ў Еўропе. На прыз прэтэндуюць тры нямецкія спецыялісты: Юрген Клоп («Ліверпуль»), Ханс-Дытэр Фліка («Баварыя») і Юльян Нагельсман («Лейпцыг»).
Пераможцы будуць абвешчаныя ў рамках цырымоніі 1 кастрычніка.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».