ЗША ў аднабаковым парадку аднаўляюць зброевае эмбарга ў дачыненні да Ірана, якое дзейнічала да заключэння «ядзернай здзелкі» ў 2015 годзе. Белы дом апублікаваў адпаведны ўказ прэзідэнта Дональда Трампа, паведамляе DW.
У дакуменце папярэджваецца аб блакаванні актываў у ЗША ўсіх фізічных або юрыдычных асоб, якія спрыяюць пастаўкам, продажу або перадачы звычайных узбраенняў Ірану або з Ірана. Акрамя таго, санкцыі будуць тычыцца ўсіх, хто забяспечвае тэхнічную падрыхтоўку, прадастаўляе фінансавую падтрымку і паслугі, а таксама іншую дапамогу, звязаную з гэтай зброяй.
Акрамя таго, Злучаныя Штаты пашырылі санкцыі ў дачыненні да Ірана. Новыя абмежавальныя меры датычаць міністэрства абароны ў Тэгеране, іранскай кампаніі Defense Industries Organisation і яе кіраўніка, а таксама яшчэ некалькіх фізічных і юрыдычных асоб, якія маюць дачыненне да ядзернай праграме Ірана і стварэнні балістычных ракет, заявіў дзяржсакратар ЗША Майкл Пампеа.
Прэв’ю: AP
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.