На конкурсе «Найлепшы інавацыйны праект і лепшая навукова-тэхнічная распрацоўка года» распрацоўкі вучоных БДУ заваявалі шэсць залатых, тры сярэбраныя медалі і два дыпломы. Конкурс праходзіў у Санкт-Пецярбургу, у рамках XXVI Міжнароднай выставы-кангрэса «Высокія тэхналогіі. Інавацыі. Інвестыцыі» (HI-TECH’2020).
Залатымі медалямі адзначаны навацыі «Унітэхпрама» «Шматфункцыянальны вымяральны комплекс «Alma Meter 2», «Арганізацыя прамысловай вытворчасці абагачальных фітакомплексаў і лінейкі хлебабулачных вырабаў з паніжаным утрыманнем паваранай солі і ўзбагачаных вітамінамі групы В», «Распрацоўка лінейкі мясных вырабаў з фітакампазіцыямі ( «Аўрора — 7, „Салюс“) з паніжаным утрыманнем паваранай солі, узбагачаных селенам і вітамінамі групы В». Таксама «золата» заваявалі распрацоўкі Інстытута прыкладных фізічных праблем БДУ і і фізічнага факультэта ўніверсітэта.
Усяго ад БДУ было заяўлена 11 распрацовак і ўсе яны былі ўдастоены ўзнагарод. Штогод у конкурсе прымае ўдзел каля 200 распрацовак з Расіі і краін блізкага замежжа. БДУ ўдзельнічае ў Пецярбургскім тэхнічным кірмашы з 2005 года. За гэты перыяд, уключаючы бягучы год, на яго рахунку ўжо 4 гран-пры, 35 залатых узнагарод, 45 — сярэбраных і 16 дыпломаў.
Надзея НІКАЛАЕВА
Прэв’ю: pstu.edu
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
