22 кастрычніка, чацвер

Вы тут

У Беларусі абноўлены правілы палявання і вядзення паляўнічай гаспадаркі


На Нацыянальным прававым інтэрнэт-партале апублікаваны тэкст указа Прэзідэнта Рэспублікі Беларусь № 345 ад 16.09.2020, які карэкціруе прававое рэгуляванне ў сферы палявання. 


Асноўныя яго палажэнні ўступяць у сілу з 1 студзеня 2021 года, паведамляе Міністэрства лясной гаспадаркі. З гэтага часу Правілы вядзення паляўнічай гаспадаркі і палявання будуць падзеленыя на два самастойных прававых акты: Правілы палявання (для паляўнічых) і Правілы вядзення паляўнічай гаспадаркі (для работнікаў паляўнічых гаспадарак).

У цэлым змяненні скіраваны на паляпшэнне ўмоў і павышэнне даступнасці палявання. Паляўнічым можна будзе стаць ужо з 16 гадоў, пры гэтым да 18-ці паляваць прыйдзецца толькі безружэйным спосабам.

Тэрмін дзеяння дазволу на нашэнне і захоўванне паляўнічай зброі павялічыцца да пяці гадоў (раней — тры гады), таксама да пяці гадоў павялічыцца тэрмін дзеяння медыцынскай даведкі для атрымання і падаўжэння гэтага дазволу (раней — адзін год).

У сувязі са з’яўленнем доступу да электронных баз дадзеных будзе скасаваная картка ўліку парушэнняў да дзяржпасведчання на права палявання, а рэгістрацыйныя дакументы на паляўнічых сабак і лоўчых птушак выключаць з пераліку дакументаў, якія паляўнічы абавязаны мець пры сабе.
Паляўнічыя гаспадаркі павінны будуць выдзяляць у якасці агульнадаступных паляўнічых угоддзяў не менш за 30 працэнтаў сваёй тэрыторыі. Усіх карыстальнікаў абавяжуць прадугледзець магчымасць рэалізацыі паляўнічых пуцёвак праз інтэрнэт.

Сяргей РАСОЛЬКА

Прэв’ю: 3mishki.by

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.