Абавязковы для прачытання
18 верасня на філфаку Гомельскага дзяржаўнага ўніверсітэта імя Ф. Скарыны адбылася сустрэча студэнтаў з супрацоўнікамі часопіса “Маладосць” Міколам Адамам і штотыднёвіка “ЛіМ” Янкам Лайковым.
Імпрэза пад куратарствам загадчыка кафедры беларускай літаратуры прафесара і пісьменніка Івана Штэйнера прайшла лёгка, нязмушана і карысна для абодвух бакоў у добразычлівай прыязнай атмасферы. Галоўным чынам прэзентаваўся № 8 часопіса “Маладосць” з перакладамі сучасных украінскіх пісьменнікаў, але студэнты з цікавасцю слухалі расповеды пра гісторыю самога часопіса і штотыднёвіка “ЛіМ”, вершы Міколы Адама і Янкі Лайкова, задавалі пытанні гасцям. У прыватнасці, пра стан сённяшняй беларускай літаратуры, яе жанравыя асаблівасці. У працэсе сустрэчы спадар І. Штэйнер агучыў меркаванне пра тое, што № 8 часопіса “Маладосць”, напэўна, стане абавязковым для прачытання і вывучэння сучаснай украінскай паэзіі і прозы для студэнтаў факультэта.
Мікола АДАМ, “М”
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».