Вы тут

Аляксандр Лукашэнка разгледзеў кадравыя пытанні


Прэзідэнт Беларусі Аляксандр Лукашэнка 21 верасня разгледзеў кадравыя пытанні.


Кіраўнік дзяржавы назначыў:

  • Даніловіча Вячаслава Віктаравіча — рэктарам Акадэміі кіравання пры Прэзідэнце Рэспублікі Беларусь.

Прэзідэнт таксама даў згоду на назначэнне:

  • Рубніковіча Сяргея Пятровіча — рэктарам Беларускага дзяржаўнага медыцынскага ўніверсітэта;
  • Стомы Ігара Алегавіча — рэктарам Гомельскага дзяржаўнага медыцынскага ўніверсітэта;
  • Кратковай Алены Мікалаеўны — рэктарам Гродзенскага дзяржаўнага медыцынскага ўніверсітэта;
  • Нікіфаровіча Сяргея Алегавіча — генеральным дырэктарам ААТ «БЕЛАЗ» — кіруючая кампанія холдынга "БЕЛАЗ-Холдынг;
  • Тарасенкі Аляксандра Аляксандравіча — намеснікам міністра аховы здароўя — галоўным дзяржаўным санітарным урачом Рэспублікі Беларусь;
  • Кійко Дзмітрыя Мікалаевіча — першым намеснікам міністра фінансаў;
  • Печань Алены Мікалаеўны — намеснікам міністра фінансаў;
  • Тарасевіч Вольгі Акімаўны — намеснікам міністра фінансаў;
  • Броўкіна Пятра Мікалаевіча — першым намеснікам старшыні Дзяржаўнага камітэта па маёмасці;
  • Бабера Мікалая Паўлавіча — намеснікам старшыні Дзяржаўнага камітэта па маёмасці;
  • Уласевіча Анатоля Васільевіча — першым намеснікам старшыні Магілёўскага аблвыканкама.

«Прыватнікі павінны быць, але ў нас не будзе прыватызацыі, каб дагадзіць шарлатанам з-за мяжы»

У Беларусі не будзе прыватызацыі, каб дагадзіць «шарлатанам з-за мяжы». Аб гэтым Прэзідэнт Беларусі Аляксандр Лукашэнка заявіў сёння, узгадняючы назначэнне Сяргея Нікіфаровіча генеральным дырэктарам ААТ «БЕЛАЗ» — кіруючая кампанія холдынга «БЕЛАЗ-Холдынг».

Аляксандр Лукашэнка адзначыў, што дзяржава заўсёды будзе падтрымліваць гэта прадпрыемства, паколькі гэта беларускі брэнд і здабытак, як і многія іншыя заводы. Ён заявіў, што, каб дагадзіць «шарлатанам з-за мяжы», у Беларусі не будуць прыватызаваць усё і ўся.

«Чаму я з такім хваляваннем стаўлюся да прадпрыемстваў? Не таму што я не разумею, што прыватная ўласнасць павінна і можа існаваць, — сказаў Прэзідэнт. — Мы выпрацавалі стойкі імунітэт да несправядлівасці. Нідзе, ні ў якой краіне не было справядлівай прыватызацыі. Калі мы хочам у гэты вір акунуць нашу краіну і 10 мільёнаў насельніцтва і потым хадзіць ахкаць і вохкаць, зразумеўшы, што не туды зайшлі, — гэта ўжо без мяне і, упэўнены, без вас».

Кіраўнік дзяржавы падкрэсліў, што нельга забраць у грамадзян тое, што стваралася мільёнамі людзей, і аддаць аднаму інвестару. «Таму вельмі хацелася б, каб БЕЛАЗ у нас працаваў надзейна, — дадаў Аляксандр Лукашэнка. — Наша тэхніка па якасці і цане пераўзыходзіць замежныя аналагі. Гэта наша перавага, і мы павінны яе ўтрымліваць на міжнародных рынках».

Паводле слоў Прэзідэнта, ён вельмі ўважліва вывучаў кандыдатуру Сяргея Нікіфаровіча, паколькі Беларускі аўтамабільны завод — унікальнае прадпрыемства. Ён адзначыў, што ўнутры краіны кар’ерныя самазвалы практычна не выкарыстоўваюцца, а на сусветных рынках канкурэнцыя вельмі жорсткая. «Вы сярод трох-чатырох прадпрыемстваў у свеце, і трэба аддаць належнае — БЕЛАЗ да гэтага часу трымае ўзровень і аб’ёмы рынку. І трэба разумець, што за вамі горад. Няма БЕЛАЗа — няма Жодзіна», — заявіў кіраўнік дзяржавы.

Аляксандр Лукашэнка лічыць, што Сяргей Нікіфаровіч справіцца са сваімі новымі абавязкамі. «Мне вельмі хацелася б, каб моладзь, якія прыходзіць, новае пакаленне ўсё ж такі моцна пусціла карані ў наша жыццё, грамадства. Вам жыць і працаваць, ствараць Беларусь у будучым. Мы таксама паміраць не збіраемся, але ўжо будзем глядзець збоку. Калі вы паклічаце, мы недзе падкажам, дапаможам. Таму вельмі хацелася б, каб вы прыжыліся на БЕЛАЗе», — рэзюмаваў ён.

Прэзідэнт выказаўся аб вышэйшай адукацыі, уцечцы мазгоў за мяжу і патрыятызме ў медыцыне

Прэзідэнт Беларусі Аляксандр Лукашэнка лічыць, што ў беларускіх ВНУ трэба звярнуць увагу на выхаваўчы працэс.

«Мы даём бліскучую адукацыю. Нашы спецыялісты, якія атрымалі адукацыю ў Беларусі, цэняцца ва ўсім свеце. Мы заўсёды ахкаем і вохкаем, і нават наша так званая апазіцыя плачацца, што ў нас уцечка мазгоў. Дык што, дурняў бяруць за мяжу? Не, уцечка мазгоў. Значыць, яны ёсць. Значыць, адукацыю добрую атрымалі і хтосьці едзе працаваць за мяжу», — заўважыў Аляксандр Лукашэнка.

У той жа час, звярнуў ён увагу, апошнія некалькі гадоў назіраецца адваротны працэс: у Беларусь вяртаюцца людзі, якія некалі паехалі жыць і працаваць у іншыя краіны. «У нашым свеце наўрад ці некага ўтрымаеш сёння. Утрымліваць трэба разумна, каб людзі цанілі гэту зямлю. А Акадэмія кіравання — там наогул мыш не павінна прапаўзці, там павінны быць патрыятычныя і адданыя дзяржаве і народу людзі. Я спецыяльна папрасіў, каб гуманітарый узначальваў гэту ВНУ. Нам вельмі не хапае патрыятызму ў нашых людзях», — лічыць Прэзідэнт.

Аляксандр Лукашэнка расказаў, што гэтымі днямі, як яму далажылі, у адной з паліклінік урач адмовіўся лячыць трохгадовае дзіця ваеннага. Прэзідэнт абурыўся гэтай сітуацыяй і даручыў разабрацца ў ёй. «У гады вайны мы ворагаў сваіх лячылі, калі пападаўся на полі бою. А гэта што ж за ўрачы? Вось прычына таго, што я даручыў уважліва паглядзець на кіраўніцтва нашых медыцынскіх ВНУ. Урач павінен быць самым патрыятычным чалавекам, таму што яго галоўная задача — выратаваць жыццё любога чалавека», — падкрэсліў ён.

Кіраўнік дзяржавы таксама згадаў пра яшчэ адзін нядаўні выпадак, калі ў Смалявічах мужчына падпаліў сябе ля будынка РАУС. Паводле яго слоў, сітуацыя з лячэннем гэтага чалавека была адваротнай. «Мы ж яго перавезлі ледзь жывога ў апёкавы цэнтр і лечым, таму што гэта чалавек», — сказаў ён.

Прэзідэнт адзначыў, што ўрачы, як і настаўнікі, — гэта аснова грамадства, і яго адносіны да іх заўсёды былі асаблівыя. «Я вас вельмі прашу: звярніце ўвагу не толькі на адукацыйны, але і на выхаваўчы працэс у тых ВНУ, у якія вы накіроўваецеся», — дадаў Аляксандр Лукашэнка.

Па матэрыялах БЕЛТА

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.