Вы тут

У Маскве больш за 60 тыс. чалавек запісаліся на выпрабаванні вакцыны ад каранавіруса


Больш за 60 тыс. чалавек падалі заяўку ў якасці добраахвотніка на выпрабаванні вакцыны ад каранавіруса ў Маскве. Пра гэта паведаміў у нядзелю мэр Масквы Сяргей Сабянін у інтэрв’ю праграме «Тыдзень у горадзе» на тэлеканале «Расія-1», цытуе ТАСС.


«Больш за 60 тысяч чалавек заявіліся як добраахвотнікі, некалькі тысяч чалавек прайшлі адпаведныя медыцынскія аналізы для таго, каб іх можна было ўжо залічыць у магчымыя прэтэндэнты на правядзенне выпрабаванняў», — сказаў ён, дадаўшы, што прышчэпленыя ад каранавіруса ўжо звыш 700 чалавек, «усё яны адчуваюць сябе добра».

Расія 11 жніўня першай у свеце зарэгістравала вакцыну ад каранавіруса, якая атрымала назву «Спадарожнік V». Прэпарат быў распрацаваны Цэнтрам ім. Гамалеі і прайшоў клінічныя выпрабаванні ў чэрвені — ліпені. Ён заснаваны на ўжо вядомай платформе, на якой стварылі яшчэ шэраг вакцын. 15 жніўня ў Міністэрстве аховы здароўя паведамілі аб пачатку вытворчасці прэпарата. У Маскве праходзіць пострэгістрацыйнае выпрабаванне вакцыны, у якім плануецца задзейнічаць 40 тыс. добраахвотнікаў.

Прэв’ю: espreso.tv

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.