22 кастрычніка, чацвер

Вы тут

Будзем з хлебам і гароднінай


Як паведамілі рэдакцыі ў Нацыянальным статыстычным камітэце, у студзені—жніўні ў гаспадарках усіх катэгорый (у сельскагаспадарчых арганізацыях, фермерскіх гаспадарках, у насельніцтва) вытворчасць прадукцыі сельскай гаспадаркі ў бягучых цэнах склала 13,3 млрд рублёў і павялічылася ў параўнанні з мінулым годам у супастаўных цэнах на 7,9 %.


У сельскагаспадарчых арганізацыях выраблена прадукцыі на 12,1 млрд рублёў, або ў супастаўных цэнах на 9,6 % больш, чым у адпаведным перыядзе папярэдняга года.

У гаспадарках усіх катэгорый выраблена (вырашчана) жывёлы і птушкі (у жывой вазе) 1245 тысяч тон, што на 4,8 % больш, чым за восем месяцаў мінулага года, малака выраблена 5256,8 тысяч тон (на 5,3 % больш).

Па стане на 1 верасня ў сельскагаспадарчых арганізацыях колькасць буйной рагатай жывёлы склала 4,2 млн галоў, у тым ліку кароў — 1,4 млн галоў (на 0,3 % больш). Колькасць свіней склала 2,6 млн галоў, што на 2,9 % больш, чым на адпаведную дату папярэдняга года.

Таксама варта адзначыць, што на названую дату ў сельскагаспадарчых арганізацыях збожжавыя і зернебабовыя культуры (без кукурузы) скошаны з 95,8 % плошчаў, якія падлягаюць уборцы. Усяго намалочана збожжа ў першапачаткова апрыходаванай вазе 7,7 млн тон, або 119,3 % да адпаведнай даты папярэдняга года, пры сярэдняй ураджайнасці 37,2 цэнтнера з аднаго гектара ўбранай плошчы (на 1 верасня 2019 года — адпаведна 31,2 цэнтнера).

Спецыялісты Белстата адзначаюць, што ў краіне працягваюцца работы па нарыхтоўцы кармоў. На пачатак восені ў сельскагаспадарчых арганізацыях нарыхтавана кармоў 8,1 млн тон кармавых адзінак, або на 21,2 % больш, чым летась, з іх кармоў з травы — 4,5 млн тон (120,7 %). У разліку на ўмоўную галаву для грамадскага пагалоўя жывёлы кармоў нарыхтавана 18,5 цэнтнера кармавых адзінак, што на 20,9 % больш, чым на адпаведную дату мінулага года, з іх кармоў з траў — 14,1 цэнтнера (на 21,6 % больш).

Сяргей КУРКАЧ

Прэв’ю: hozoboz.com

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.