Нацыянальны банк нашай краіны абвясціў аб правядзенні конкурсу на найлепшую работу па эканамічнай тэматыцы. Гэта мерапрыемства праводзіцца ў дзвюх намінацыях: конкурсныя работы студэнтаў і магістрантаў і работы аспірантаў.
Як адзначылі ў прэс-службе Нацбанка, галоўны прыз у кожнай намінацыі — грашовая прэмія ў памеры 1000 беларускіх рублёў. Таксама грашовымі прэміямі ў кожнай з катэгорый будуць адзначаны конкурсныя работы, якія занялі другое і трэцяе месцы, — 700 і 500 беларускіх рублёў адпаведна.
У конкурсе могуць прыняць удзел (як індывідуальна, так і ў складзе калектываў) студэнты, магістранты і аспіранты ўстаноў вышэйшай адукацыі і арганізацый, якія рэалізуюць пасля ВНУ адукацыйныя праграмы.
Для ўдзелу ў конкурсе неабходна да 30 кастрычніка накіраваць на электронны адрас kоnkurs@nbrb.bу адпаведную заяўку і сваю конкурсную работу. Пераможцы і прызёры будуць абвешчаныя не пазней за 30 снежня гэтага года. Падрабязная інфармацыя аб конкурсе (тэрміны і парадак яго правядзення, а таксама патрабаванні, якія прад'яўляюцца да ўдзельнікаў і іх работ) размешчаны на Адзіным партале фінансавай пісьменнасці.
Сяргей КУРКАЧ
Прэв’ю: БЕЛТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
