У яе склад увайшлі чацвертакурснікі Анастасія Дзюбанава, Аліна Кушнярова і Кацярына Шышова. А рыхтавала каманду старшы выкладчык кафедры міжнароднага права ФМА Вольга Арэф’ева.
Спаборніцтва праходзіла ў анлайн-фармаце з 7 па 11 верасня. Конкурс складаўся з адборачнага і фінальнага этапаў. У першым туры неабходна было вырашыць задачы, звязаныя з марской блакадай, аўтаномнай зброяй, акупацыяй і іншыя. У выніковым паядынку студэнты выступалі ў ролі юрыдычных дарадцаў міністэрстваў замежных спраў і юстыцыі, прафесараў і экспертаў міжнароднага гуманітарнага права. Таксама будучыя юрысты-міжнароднікі абаранялі інтарэсы пацярпелага грамадзянскага насельніцтва, пераконвалі дзяржавы — удзельніцы канфлікту выконваць нормы міжнароднага гуманітарнага права, прадстаўлялі сваю пазіцыю на пасяджэнні Вярхоўнага суда пэўнай дзяржавы.
Усяго ў конкурсе ўдзельнічала 17 каманд з краін Еўропы, Азіі і Афрыкі. У фінале выступілі восем зборных: з Беларусі, Непала, Індыі, Балгарыі, Турцыі, Малайзіі, Нідэрландаў і Палестыны. Па ўмовах спаборніцтваў вызначаюцца ўладальнікі толькі першага і другога месца. Сярэбраным прызёрам сталі студэнты з Універсітэта Амстэрдама (Нідэрланды).
Конкурс па міжнародным гуманітарным праве праводзіўся ўпершыню. Ён носіць імя заснавальніка руху Чырвонага Паўмесяца ў Турцыі ў XIX стагоддзі Кырымлы Азіз Бей. Арганізатарамі мерапрыемства выступілі Стамбульскі цэнтр міжнароднага права, Турэцкае таварыства Чырвонага Паўмесяца ў партнёрстве з Міжнародным камітэтам Чырвонага Крыжа.
Надзея НІКАЛАЕВА
Фота прэс-службы БДУ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.