22 кастрычніка, чацвер

Вы тут

Пачалася вакцынацыя ад грыпу


З 15 верасня ў краіне стартавала кампанія па вакцынацыі супраць віруса грыпу. Яе больш ранні, чым звычайна, пачатак тлумачыцца распаўсюджваннем каранавіруснай інфекцыі.


— Прышчапляць сёлета мы пачалі раней. Каранавірусная інфекцыя здае пазіцыі, але працягвае цыркуляваць. Таму медыкам прыйдзецца сутыкнуцца з «двайной атакай». З гэтай прычыны зрабіць прышчэпкі ад сезоннага грыпу мы рэкамендуем усім, — адзначае начальнік аддзела гігіены, эпідэміялогіі і прафілактыкі Міністэрства аховы здароўя Іна Карабан.

Яна адзначыла, што прышчапіць плануецца, як і ў апошнія гады, больш за 40 % насельніцтва. Летась, калі вакцыянавалі менавіта столькі, захваральнасць была мінімальнай, пачынаючы з 2008 года, — 6,1 чалавека на 100 тысяч насельніцтва.

— Вакцынацыя 40 % калектыву на прадпрыемствах дазваляе знізіць захваральнасць у 2,5 раза», — адзначыла спецыяліст.

Штогод вірусы грыпу муціруюць,таму і склад вакцыны мяняецца. Сёлета ён абноўлены па трох кампанентах.

— Працягласць захавання антыцелаў у арганізме — ад 6 да 12 месяцаў. Таму на пытанне «Ці варта рабіць прышчэпку, калі вакцыянаваўся летась?» адказ: «Так, варта», — падкрэсліла загадчык лабараторыі грыпу і грыпападобных захворванняў РНПЦ эпідэміялогіі і мікрабіялогіі, кіраўнік Нацыянальнага цэнтра па грыпу і іншых вострых рэспіраторных захворваннях Наталля Шмялёва.

Прышчэпка ад грыпу рэкамендуецца сёлета абсалютна ўсім — менавіта з-за распаўсюджвання COVІD-19: ёсць верагоднасць адначасова заразіцца адразу дзвюма інфекцыямі.

— Прагназаваць складана, бо каранавірусная інфекцыя новая для чалавецтва, але ёсць падставы меркаваць, што другая хваля будзе менш інтэнсіўнай. Шмат людзей перахварэла і мае антыцелы, якія будуць захоўвацца, хочацца спадзявацца, каля паўгода. Ды і выпадкі зараз менш цяжкія, — адзначыла Іна Карабан. — Тым не менш групам рызыкі, асабліва пажылым людзям, старэй за 65 гадоў, не варта адмаўляцца ад вакцынацыі супраць грыпу. Бо наслаенне вірусаў грыпу і COVІD-19 можа негатыўна адбіцца на іх здароўі.

Алена КРАВЕЦ

Прэв’ю: 1obl.ru

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.