22 кастрычніка, чацвер

Вы тут

Практыцы трансплантацыі ныркі ў Беларусі — паўстагоддзя!


У гэтыя дні транспланталогія нашай краіны адзначае важную дату — 50 гадоў з дня першай трансплантацыі ныркі. У Беларусі першая перасадка гэтага органа была выканана 11 верасня 1970 года акадэмікам М. Я. Саўчанкам на базе клінікі ўралогіі МДМІ ў 4-й бальніцы Мінска.


Падзея стала важным штуршком да развіцця медыцыны нашай краіны, паколькі ў іншых рэспубліках СССР і нават у свеце трансплантацыі ныркі пачалі выконваць некалькі пазней. Ва Украіне першую паспяховую трансплантацыю ў клінічных умовах ажыццявілі ў Кіеве ў 1972 годзе, а ў Оксфардзе (Вялікабрытанія) прафесар Пітэр Морысан перасадзіў нырку ў 1974 годзе.

У 2006 годзе ў Беларусі выконвалася ўсяго толькі восем аперацый па перасадцы ныркі. А з 2011 года толькі ў Мінскім НПЦ хірургіі,транспланталогіі і гематалогіі было праведзена больш за 1620 перасадак.

Сёння перасадка нырак з'яўляецца найбольш распаўсюджаным відам трансплантацыі. Беларусь за 15 гадоў змагла ўвайсці ў топ-20 найбольш развітых трансплантацыйных краін свету. Толькі летась зроблена 528 розных трансплантацый. Беларускія трансплантолагі асвоілі ўсе аперацыі, якія існуюць у свеце, і зрабілі так, што людзі, у якіх яны вучыліся, цяпер накіроўваюць сваіх вучняў у Беларусь на навучанне.

Цяпер па ўзроўні развіцця донарства і трансплантацыі наша краіна займае 9-е месца ў свеце. Пры гэтым мы не толькі знаходзімся на перадавых пазіцыях на працягу пэўнага перыяду часу, але і будуем планы на будучыню, узводзяцца новыя цэнтры, абсталёўваюцца самым сучасным абсталяваннем, а ўрачы працягваюць змагацца за кожнага пацыента.

Алена КРАВЕЦ

Прэв’ю: donorstvo.org

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.