22 кастрычніка, чацвер

Вы тут

Мінпрыроды і Камітэт па выкананні Орхускай канвенцыі выступаюць за ўсеагульную даступнасць грамадскіх абмеркаванняў


Сёлета паўстала пытанне, як праводзіць грамадскія абмеркаванні падчас неспрыяльнай эпідэмічнай абстаноўкі. Была прапанова перайсці ў фармат відэаканферэнцый, аднак яна не знайшла падтрымкі з боку Міністэрства прыродных рэсурсаў і аховы навакольнага асяроддзя, а пазней і Камітэта па выкананні Орхускай канвенцыі.


На думку Мінпрыроды, правядзенне грамадскіх абмеркаванняў праектаў, экалагічна значных рашэнняў, дакладаў па стратэгічнай экалагічнай ацэнцы, справаздач аб ацэнцы ўздзеяння на навакольнае асяроддзе ў фармаце відэаканферэнцыі абмяжоўвае заканадаўча замацаванае права грамадскасці на ўдзел у дыскусіях. Бо далёка не кожны зацікаўлены чалавек мае адпаведныя навыкі або тэхнічную магчымасць для ўдзелу ў абмеркаваннях па відэасувязі. А значыць, будуць парушаныя правы гэтых людзей, што супярэчыць дзеючаму заканадаўству.

У гэтай сувязі Мінпрыроды раіць у выпадку неабходнасці арганізацыі сходаў у рамках грамадскіх абмеркаванняў дзеля стабілізацыі эпідэміялагічнай сітуацыі ў свеце праводзіць мерапрыемствы, кіруючыся рэкамендацыямі санітарна-эпідэміялагічных службаў Міністэрства аховы здароўя.

Пазіцыю Мінпрыроды падтрымаў Камітэт па выкананні Орхускай канвенцыі, які 2 верасня прыняў заяву аб прымяненні канвенцыі як падчас пандэміі COVІD-19, так і ў наступнай фазе аднаўлення эканомікі.

У сваёй заяве Камітэт па выкананні Орхускай канвенцыі выказаў заклапочанасць тым, што яе ўдзельнікі могуць паспрабаваць апраўдаць абмежаванні правоў, гарантаваных Канвенцыяй, спасылкай на пандэмію COVІD-19 або неабходнасць хуткага аднаўлення эканомікі з-за наступстваў пандэміі.

Камітэт выразна дае зразумець, што нават ва ўмовах крызісу, такога як пандэмія COVІD-19, і наступнай фазы аднаўлення эканомікі абавязковыя правы, прадугледжаныя Канвенцыяй, не могуць быць зменшаны або абмежаваны.

Камітэт таксама нагадвае бакам Канвенцыі, што любыя недахопы ў забеспячэнні эфектыўнага доступу да інфармацыі, удзелу грамадскасці ў прыняцці рашэнняў або доступу да правасуддзя ў адпаведнасці з Канвенцыяй падчас пандэміі COVІD-19 або на наступнай фазе эканамічнага аднаўлення могуць быць аспрэчаныя ў адпаведнасці з палажэннямі артыкула 9 Канвенцыі.

Даведка:

Беларусь з'яўляецца Бокам Орхускай канвенцыі — канвенцыі Еўрапейскай эканамічнай камісіі ААН «Аб доступе да інфармацыі, удзеле грамадскасці ў прыняцці рашэнняў і доступе да правасуддзя па пытаннях, што датычацца навакольнага асяроддзя», якая зацверджана ў нашай краіне Указам Прэзідэнта Рэспублікі Беларусь ад 14 снежня 1999 года № 726.

Маргарыта ДРАЗДОВА

Загаловак у газеце: Не прыкрывацца каранавірусам

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.