Вы тут

Прамысловасць сталіцы працуе ў штатным рэжыме


Усе буйныя прамысловыя прадпрыемствы, размешчаныя на тэрыторыі Мінска, працуюць. Пра гэта паведаміў падчас суботняй прамой лініі, якая прайшла 5 верасня, намеснік старшыні Мінгарвыканкама Юрый ТРУШЧАНКА.


Па яго словах, эпідэміялагічная сітуацыя ўнесла некаторыя карэктывы ў работу шэрагу суб'ектаў гаспадарання. Але ў цэлым бізнес-клімат у сталіцы не пагоршыўся. Пра гэта сведчаць лічбы, паведаміла агенцтва «Мінск-Навіны».

У першым паўгоддзі 2019 года ў Мінску дзейнічалі 51 тысяча суб'ектаў гаспадарання. У бягучым паўгоддзі іх колькасць узрасла больш чым на тысячу. Павялічваецца і колькасць індывідуальных прадпрымальнікаў. Іх налічваецца больш за 81 тысячу. За год прырост склаў чатыры тысячы ІП. Акрамя таго, за першыя шэсць месяцаў 2020 года прыцягненне прамых замежных інвестыцый у Мінску склала 614 мільёнаў рублёў.

Юрый Трушчанка таксама адзначыў, што больш за 2,7 тысячы суб'ектаў гаспадарання скарысталіся падтрымкай, прадугледжанай Указам № 143 «Аб падтрымцы эканомікі». Мінгарвыканкам аказаў дапамогу, прадугледжаную ўказам, 2 759 суб'ектам гаспадарання. Прадпрыемствы атрымалі каля 32,2 мільёна рублёў. Суб'екты гаспадарання прадстаўляюць розныя сферы: прамысловасць, грамадскае харчаванне, турыстычны, гасцінічны бізнесы. І ў асноўным яны прыватнай формы ўласнасці. Ім былі аказаны ўсе віды дапамогі, у тым ліку зніжэнне стаўкі арэнднай платы, падатковы крэдыт, зніжэнне зямельнага і падатку на нерухомасць і іншае.

Адзначым, што сёння ў сталіцы функцыянуюць 52 тысячы суб'ектаў гаспадарання. Крыху больш за 5 % з іх скарысталіся падтрымкай, прадугледжанай Указам № 143.

Прэв’ю: newsgomel.by

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.