22 кастрычніка, чацвер

Вы тут

Больш як тысячу чалавек сабрала Мінская абласная педагагічная канферэнцыя


Больш як тысячу чалавек сабрала Мінская абласная педагагічная канферэнцыя, што прайшла сёлета ў Барысаве. Гэта маладыя спецыялісты, якія працуюць па размеркаванні, ветэраны педагагічнай працы. Мерапрыемства трансліравалася па відэа ва ўсіх 22 раёнах Міншчыны і ў горадзе Жодзіна.


Старшыня Мінскага аблвыканкама Аляксандр Турчын узнагароджвае Жанну ГАРОН.

Адзначу, што напярэдадні канферэнцыі для кіраўнікоў і спецыялістаў сістэмы адукацыі цэнтральнага рэгіёна прайшла серыя вэбінараў. Яго ўдзельнікі азнаёміліся з нарматыўна-прававым і навукова-метадычным забеспячэннем адукацыйнага працэсу ў 2020/2021 навучальным годзе, асаблівасцямі яго арганізацыі па розных вучэбных прадметах.

Перад пачаткам форуму ў фае Палаца культуры імя Максіма Горкага прысутныя маглі азнаёміцца з дасягненнямі сістэмы адукацыі Міншчыны. На тэматычных пляцоўках былі прадстаўлены праекты і распрацоўкі школьнікаў у арганізацыі ІT-адукацыі, у прадпрымальніцтве, экалогіі і аградзейнасці. Напрыклад, вучаніца барысаўскай гімназіі № 3 Вераніка Галоднік паказала свой бізнес-праект па выпуску экалагічных сумак, якія могуць служыць некалькі гадоў у адрозненне ад пластыкавых пакетаў. Яна расказала, што дзяўчынкі шыюць сумкі ў вольны ад урокаў час і наносяць на іх малюнак.

Усё больш пашыраецца ў школах цэнтральнага рэгіёна такі напрамак, як адукацыйная робататэхніка, з кожным годам да яго далучаецца ўсё больш хлопчыкаў і дзяўчынак. Вядома, укараненне новых тэхналогій садзейнічае дасягненню высокіх вынікаў пры засваенні ведаў. Так у навучанні школьнікаў актыўна выкарыстоўваецца STEM-падыход, рэалізаваны адукацыйны праект «Мабільны STEM-клас». Вучні барысаўскай школы № 25 паказалі адукацыйны Лега-компекс «Навукова-даследчае судна «Кусто». З дапамогай яго дзеці вучацца навуковым падыходам у даследаваннях марскіх і акіянічных глыбінь.

Вялікую творчую работу правялі навучэнцы Крупскага цэнтра дзіцячай творчасці. Прысутным вельмі спадабалася яркая калекцыя стылізаваных народных касцюмаў «Кветка-душа». Дзеці стваралі гэтую прыгажосць пад кіраўніцтвам педагога Аксаны Коваль.

Нельга забывацца, што без мінулага, перамогі нашых продкаў у самай страшнай вайне 1941—1945 гадоў, без іх працоўных здабыткаў у мірны час не было б і сучасных дасягненняў. Таму для прысутных была арганізаваная экспазіцыя «75 гісторый аб вайне», дзе вучні і настаўнікі прэзентавалі лепшыя творы аб падзеях Вялікай Айчыннай, распавялі пра лёс родных, блізкіх, сваякоў, якія захавалі для сваіх нашчадкаў мір і спакой.

З дасягненнямі школьнікаў Міншчыны азнаёміўся міністр адукацыі Беларусі Ігар Карпенка. Ён акцэнтаваў увагу на тым, што сёння вельмі важна зберагчы моладзь ад уплыву дэструктыўных сіл, ад удзелу ў антыдзяржаўных акцыях, на які іх падбухторваюць. Важна забяспечыць адзінства і ўзгодненасць дзеянняў сям'і і ўстаноў адукацыі. Недапушчальна, калі выхаванне дзяцей бацькі ўскладваюць толькі на педагогаў, лічыць міністр адукацыі.

— У цэнтры ўвагі дзяржавы па ранейшаму будуць заставацца педагогі. Яны — лакаматыў сістэмы адукацыі. Гэта іх працай і намаганнямі выхоўваюцца пераможцы і прызёры міжнародных і рэспубліканскіх спаборніцтваў, спецыялісты высокага класа. Не камп'ютар, а менавіта педагогі вучаць і выхоўваюць падрастаючае пакаленне, грамадзяніна, у тым ліку і асабістым прыкладам. Мы падтрымлівалі, падтрымліваем і будзем падтрымліваць вас і маральна, і матэрыяльна, — запэўніў ён педагогаў.

Ігара Карпенку падтрымаў кіраўнік Мінскай вобласці Аляксандр Турчын:

— Мінскі аблвыканкам, Прэзідэнт ніколі не пакідалі і не пакінуць без сваёй увагі сферу адукацыі. З года ў год мы будуем новыя вучэбныя ўстановы, напаўняем класы сучасным абсталяваннем. І з дапамогай педагогаў робім навучальны працэс захапляльным. Не менш важна і тое, што апошні адказвае патрабаванням лічбавай эканомікі. Толькі за мінулы вучэбны год у вобласці практычна ўдвая павялічылася колькасць медалістаў, пераможцаў алімпіяд і тых вучняў, хто атрымаў на цэнтралізаваным тэсціраванні найвышэйшы бал. Гэта важкі ўклад у багацце любой дзяржавы — яго чалавечы патэнцыял.

Праца педагогаў атрымлівае дастойную ацэнку ўсіх узроўняў улады, падкрэсліла начальнік галоўнага ўпраўлення па адукацыі Мінаблвыканкама Таццяна Апраніч. Для папулярызацыі і прасоўвання дзяржаўных інтарэсаў, дэманстрацыі прафесійнага вопыту педагогі Міншчыны супрацоўнічаюць з калегамі больш як з 33 краін і ў межах 105 пагадненняў.

Падчас канферэнцыі былі ўшанаваныя найлепшыя з педагогаў, ветэранаў педагагічнай працы, маладых спецыялістаў. «Крыштальную сініцу» і званне «Настаўнік года Мінскай вобласці» атрымала настаўніца французскай мовы сярэдняй школы № 5 горада Жодзіна Паліна Патапенка.

Таццяна ЛАЗОЎСКАЯ

Фота БелТА

Загаловак у газеце: Не камп'ютар выхоўвае школьнікаў

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.