Вы тут

Напярэдаднi 88-га тэатральнага сезона свае планы агучылi ў двух сталiчных тэатрах


Новы сезон — гэта заўсёды магчымасць прапанаваць гледачам цiкавыя творы, а таксама ўласнае iх прачытанне, арыентуючыся на сучаснага гледача. Напярэдаднi 88-га тэатральнага сезона свае планы агучылi ў двух сталiчных тэатрах.


Так, нядаўна адбыўся сход калектыву Вялiкага тэатра Беларусi, якi традыцыйна праводзiцца напярэдаднi новага сезона. «У нас у вераснi будуць прадстаўлены два новыя спектаклi — балет «Пер Гюнт» на музыку Эдварда Грыга ў пастаноўцы маладога харэографа Сяргея Мiкеля i опера Джакама Пучынi «Вiлiсы. Фатум» рэжысёра Аксаны Волкавай. Прэм'еру новай рэдакцыi балета «Шчаўкунок» у пастаноўцы Валянцiна Елiзар'ева гледачы ўбачаць у кастрычнiку.

У лiстападзе да паказу плануецца прэм'ера оперы Шарля Гуно «Фауст» рэжысёра-пастаноўшчыка Ганны Маторнай. Юным гледачам у снежнi прадставiм дзiцячую оперу Глорыi Брунi «Пiнокiа» (па матывах казкi Карла Калодзi) у пастаноўцы маладога рэжысёра Наталлi Бараноўскай. А вось у 2021 годзе балет «Лебядзiнае возера» будзе прадстаўлены ў папярэдняй, традыцыйнай рэдакцыi Асафа Месерэра», — падзялiўся планамi мастацкi кiраўнiк тэатра Валянцiн Елiзар'еў.

Дырэктар тэатра Яўген Пятровiч павiншаваў супрацоўнiкаў з атрыманнем высокiх дзяржаўных узнагарод. У калектыве ганаровага звання «Народны артыст Беларусi» ўдастоены салiст оперы — вядучы майстар сцэны Уладзiмiр Громаў.

Ганаровае званне «Заслужаная артыстка Рэспублiкi Беларусь» атрымала артыстка аркестра — вядучы майстар сцэны Ларыса Ласоцкая; ганаровага звання «Заслужаны дзеяч мастацтваў Рэспублiкi Беларусь» удастоены дырыжор Андрэй Галанаў. А вядучы майстар сцэны Аляксей Афанасьеў, дырыжор Iван Касцяхiн i артыстка хору Святлана Цiтова ўзнагароджаны медалём Францыска Скарыны.

Акрамя гэтага, у новым сезоне ў Вялiкiм тэатры адбылiся i кадравыя абнаўленнi: на сустрэчы прадставiлi новага загадчыка трупы оперы лаўрэата мiжнародных конкурсаў мецца-сапрана Наталлю Анiкiну.

Таксама кiраўнiцтва тэатра агучыла рашэнне, што ў вераснi праводзiць дабрачынную акцыю, якая дае магчымасць бясплатна наведваць усе спектаклi людзям з абмежаванымi магчымасцямi, пенсiянерам, шматдзетным сем'ям, дзецям-сiротам, медыцынскiм супрацоўнiкам i студэнтам.

Наведвальнiкаў Нацыянальнага акадэмiчнага драматычнага тэатра iмя Максiма Горкага чакаюць таксама абноўленая праграма i завяршэнне рамонту на вялiкай сцэне. Тут у новым сезоне плануюць пастаноўку спектакля «Браты Карамазавы» па рамане Фёдара Дастаеўскага, аднаўленне спектакля «Адзiны наследнiк» па п'есе Жана-Франсуа Рэньяна (ад рэжысёра-пастаноўшчыка Вольгi Дзянiсавай). Убачаць гледачы таксама мюзiкл «Граф Монтэ-Крыста» ў пастаноўцы мастацкага кiраўнiка тэатра Сяргея Кавальчыка, а Валянцiна Еранькова прадставiць публiцы «Трамвай «Жаданне» па п'есе Тэнесi Уiльямса. Плануе калектыў аднавiць i сваю гастрольную дзейнасць, у тым лiку ўдзел у разнастайных фестывалях. Падчас сустрэчы з калектывам Сяргей Кавальчык адзначыў, што для акцёра галоўная трыбуна — гэта сцэна, на якой ён можа i павiнен несцi людзям iдэалы мiру, гуманiзму i дабра.

Фота з сайта bolshoibelarus.by

Загаловак у газеце: Новы сезон у жыццi тэатраў

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.