22 кастрычніка, чацвер

Вы тут

Што пакажа «Беларусь 3» да Дня беларускага пісьменства


Штогод у першую нядзелю верасня традыцыйна праходзіць Дзень беларускага пісьменства. Сёлета свята адбудзецца 6 верасня ў Бялынічах Магілёўскай вобласці. Да гэтай падзеі сацыякультурны канал рыхтуецца загадзя — на працягу наступнага тыдня гледачоў чакае тэматычны паказ кіно, а ў дзень форуму запланаваны трансляцыі цырымоній адкрыцця і закрыцця свята, сюжэты з месца падзей у «Навінах культуры» і спецыяльны «Культурны рэпартаж» пра адрэстаўраваны сакральны артэфакт бялыніцкай зямлі.

Ужо з 31 жніўня і да самога свята эфір «Беларусь 3» будзе дапамагаць настроіцца на пэўны святочны лад: у міжпраграмных відэароліках прагучаць вершы Янкі Купалы, Якуба Коласа, Максіма Багдановіча, Максіма Танка, Аркадзя Куляшова і іншых паэтаў у выкананні дзеячаў культуры, а ў праекце «Запіскі на палях» будуць адгорнуты невядомыя старонкі літаратурнай спадчыны беларускіх пісьменнікаў Івана Навуменкі, Івана Шамякіна, Алеся Адамовіча і Янкі Сіпакова. Акрамя таго, на наступным тыдні гледачы сустрэнуцца ў «Суразмоўцах» з першым намеснікам старшыні Саюза пісьменнікаў Беларусі Аленай Стэльмах.

А 6 верасня цэнтральнай эфірнай падзеяй стане паказ святочнага канцэрта ўрачыстага адкрыцця Дня беларускага пісьменства і цырымоніі ўручэння Нацыянальнай літаратурнай прэміі ў 18.45. Увечары тэлеканал пакажа гала-канцэрт урачыстага закрыцця Дня беларускага пісьменства ў Бялынічах.

На «Беларусь 3» у гэты дзень таксама ўбачым новы выпуск спецпраекта «Культурны рэпартаж», прысвечаны фрэсцы XVІІІ стагоддзя «Узыходжанне на Галгофу» бялыніцкага кляштара кармелітаў. Працуючы над сюжэтам, каманда тэлеканала на працягу некалькіх месяцаў здымала розныя этапы рэстаўрацыі артэфакта і стварэння экспазіцыі мясцовага мастацкага музея.

Днём гледачы змогуць пранікнуцца адметнай літаратурнай творчасцю Кандрата Крапівы: будзе паказаны фільм «Кандрат Крапіва: чалавек, які смяяўся...» з цыкла «Запіскі на палях», а адразу пасля — спектакль сталічнага Тэатра-студыі кінаакцёра «Хто смяецца апошнім» па аднайменнай сатырычнай п'есе. Чакаюць аўдыторыю таксама паказ народнай камедыі Ігара Дабралюбава «Белыя росы» па сцэнарыі Аляксея Дударава і беларускамоўная версія гістарычнай драмы Юрыя Ялхова «Анастасія Слуцкая».

Алена ДРАПКО

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.