Прэзідэнт В'етнама Нгуен Фу Чонг павіншаваў Аляксандра Лукашэнку з перавыбраннем на пасаду Прэзідэнта Беларусі, паведамляе БелТА.
Нгуен Фу Чонг адзначыў, што В'етнам заўсёды цікавіцца, сочыць і радуецца поспехам, дасягнутым беларускім народам пад кіраўніцтвам Аляксандра Лукашэнкі ў развіцці і павышэнні пазіцыі краіны на міжнароднай арэне.
«В'етнам надае вялікае значэнне развіццю і паглыбленню адносін традыцыйнай дружбы і шматбаковага супрацоўніцтва з Беларуссю. Настроены на тое, каб бакі працягвалі цесна ўзаемадзейнічаць для паспяховай рэалізацыі Пагаднення аб свабодным гандлі паміж В'етнамам і Еўразійскім эканамічным саюзам, садзейнічалі павелічэнню двухбаковага тавараабароту, пашыралі інвестыцыйнае супрацоўніцтва паміж нашымі краінамі, падымаючы ўзровень адносін паміж В'етнамам і Беларуссю», — гаворыцца ў віншаванні.
Нгуен Фу Чонг пажадаў беларускаму народу дасягнення новых поспехаў у будаўніцтве шчаснай і квітнеючай Беларусі.
Віншавальнае пасланне ў адрас Прэзідэнта Беларусі Аляксандра Лукашэнкі паступіла ад Прэзідэнта і Віцэ-прэзідэнта Нікарагуа Даніэля Артэгі і Расарыё Мурыльа. Ад імя народа сваёй краіны і ўрада яны павіншавалі кіраўніка беларускай дзяржавы з перавыбраннем на прэзідэнцкі пост, паведамляе БелТА.
«Мы вітаем і віншуем Вас, усведамляючы важнасць гэтай перамогі, якая выказвае суверэнную волю вашага народа, мы будзем разам з Вамі працягваць супрацоўніцтва ў галіне бяспекі, стабільнасці, міру, развіцця і росквіту. Жадаючы Вам поспехаў у рэалізацыі Вашых планаў, праектаў і мэтаў па забеспячэнні дабрабыту беларускага грамадства, мы пацвярджаем наша жаданне да далейшага ўмацавання сувязяў дружбы, салідарнасці і братняга супрацоўніцтва ва ўсіх сферах і на ўсіх міжнародных форумах, дзе ў нас ёсць адзінае бачанне свету, які імкнецца да адкрытага дыялогу, гармоніі, захаванню правоў і сацыяльнай справядлівасці, міру і прагрэсу», — гаворыцца ў віншаванні.
Прэв’ю: БелТА
Мерапрыемства праводзіцца на добраахвотнай аснове.
Не выявіць ні секунды абыякавасці.
