Асацыяцыя «Беларуская федэрацыя футбола» на падставе рашэння Бюро выканкама АБФФ ад 11 жніўня пераносіць матчы «Беларусбанк — Вышэйшай лігі» сезону 2020 года «Мінск» — «Славія-Мазыр» і «Дынама-Брэст» — «Слуцк». Перанесеныя паядынкі 21-га і 17-га тураў чэмпіянату павінны былі адбудуцца 12-га жніўня ў Мінску і Брэсце адпаведна, паведамілі на сайце федэрацыі.
Матч «Дынама-Брэст» — «Слуцк» перанесены на падставе хадайніцтва брэсцкага футбольнага клуба і ў адпаведнасці з пунктам 5.5.5. артыкула 5 Рэгламенту чэмпіянату Рэспублікі Беларусь па футболе 2020. Гэтае рашэнне прынята з улікам узмоцненай падрыхтоўкі футбольнага клуба «Дынама-Брэст» да матчу першага кваліфікацыйнага раўнду Лігі чэмпіёнаў УЕФА сезона 2020/2021 супраць футбольнага клуба «Астана», які пройдзе на ГОСК «Брэсцкі» 18 жніўня.
Матч «Мінск» — «Славія-Мазыр» перанесены на падставе хадайніцтва сталічнага футбольнага клуба і ў адпаведнасці з пунктам 5.5.4. артыкула 5 Рэгламенту чэмпіянату Рэспублікі Беларусь па футболе 2020. Дадзенае рашэнне прынята ў мэтах далейшых прафілактычных мерапрыемстваў па барацьбе з распаўсюджваннем віруса COVID-19.
Даты правядзення матчаў стануць вядомыя пазней.
Прэв’ю: stnmedia.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».