25 верасня, пятніца

Вы тут

У Рэчыцкім раёне жанчына прадала чужую агароджу з магілы


У Рэчыцкі РАУС паступіла паведамленне ад пенсіянеркі з Калінкавічаў. Жанчына распавяла, што хтосьці выкраў металічную агароджу з могілак у вёсцы Глінная Слабада.


Жанчына разам з братам вырашылі акультурыць магілы бацькоў і сваякоў. Для гэтага знялі старую агароджу, паклалі новую плітку і ўстанавілі дэкаратыўную агароджу з граніту. Старую, але ў добрым стане агароджу, аддалі сваякам з вёскі, каб тыя, у сваю чаргу, устанавілі яе на магілах сваіх продкаў. А праз некалькі дзён яна з могілак знікла.

Супрацоўнікі крымінальнага вышуку РАУС высветлілі, што прыкладна ў гэты час там акультурвалі магілкі і іншыя грамадзяне. А ў гэтым ім дапамагала мясцовая жыхарка. На вуліцы яе выпадкова сустрэлі зборшчыкі металу на аўтамабілі з прычэпам. Яны пацікавіліся, ці няма ў яе непатрэбных металічных вырабаў. 39-гадовая жанчына ўзгадала пра агароджу, якая ляжыць на могілках. Неўзабаве зборшыкі ўжо грузілі яе ў прычэп. У якасці аплаты яны далі грамадзянцы бутэльку віна і два рублі. Пры тым што гаспадыня агароджы, нават з улікам зносу, ацаніла яе кошт у 700 рублёў, паведамляе аддзяленне інфармацыі і грамадскіх сувязяў УУС Гомельскага аблвыканкама.

Следчымі дадзена прававая ацэнка дзеянням жанчыны. Заведзена крымінальная справа.

Сяргей РАСОЛЬКА

Прэв’ю: ритуальные-ограды.бел

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».