8 жніўня з 10.00 да 13.00 Мінская гарадская арганізацыя БРСМ правядзе маладзёжны фэст для ўдзельнікаў студэнцкіх атрадаў «STUDFEST — 2020» (вул. Карастаянавай, 5, парк Дружбы народаў).
Удзельнікамі фестывалю стануць больш за тысячу студатрадаўцаў. Любы ахвотны зможа паказаць свае танцавальныя магчымасці на зонах Just Dance і «Караоке для ног», аматары камп’ютарных гульняў будуць змагацца за тытул лідара на інтэрактыўнай зоне «Геймер». Паказаць свае сілы на практыцы можна будзе ў гульнях «Гіганцкая джэнга і тэтрыс», аматары хакея і футбола пакажуць свой спрыт у настольным спорце, а трапнасць правераць падчас гульні з кольцамі. Вакальныя дадзеныя таксама не застануцца незаўважанымі — зона караоке параўнае сілу голасу. Самыя яркія эмоцыі можна будзе захаваць на зоне «Speed foto».
Арганізатары падрыхтавалі для ўдзельнікаў фестывалю спецыяльныя стыкеры, якія будуць выдаваць на кожнай інтэрактыўнай зоне. Абсалютна кожны стане ўладальнікам падарунка ад Саюза моладзі, а тры шчасліўчыкі атрымаюць падарункавыя сертыфікаты.
Акрамя таго, на працягу ўсяго фэсту на сцэне будуць выступаць беларускія артысты, кавер-бэнды і запрошаныя госці.
Сяргей РАСОЛЬКА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.