24 верасня, чацвер

Вы тут

Уладзімір Андрэйчанка: Спробы дэстабілізаваць сітуацыю не на карысць краіне і самім людзям


Старшыня Палаты прадстаўнікоў Нацыянальнага сходу Беларусі Уладзімір Андрэйчанка сёння прыняў удзел у датэрміновым галасаванні на выбарах Прэзідэнта. Датэрмінова — праз графік працы, бо ў нядзелю Уладзімір Андрэйчанка не будзе знаходзіцца ў Мінску.


«На кожным з нас сёння ляжыць каласальная адказнасць за будучыню Беларусі, і таму выбар кожнага мусіць быць усвядомлены, каб Беларусь і надалей развівалася, каб нашы людзі маглі спакойна жыць, працаваць. І важна захаваць стабільнасць, бяспеку, якія ёсць у нас сёння, таму што гэта аснова паляпшэння дастатку, дабрабыту нашых людзей. Вось за гэта я і прагаласаваў», — лічыць спікер ніжняй палаты Парламента.

Ён падкрэсліў абавязковае прытрымліванне Канстытуцыі пры правядзенні ўсіх палітычных кампаній у нашай краіне. Беларускае выбарчае заканадаўства Уладзімір Андрэйчанка назваў вельмі прагрэсіўным.

«Мы тройчы ўносілі змяненні і дапаўненні ў Выбарчы кодэкс, ён даволі высока ацэнены нашымі палатамі, парламенцкімі структурамі. Таму у людзей, якія сёння спрабуюць дэстабілізаваць сітуацыю ў Беларусі, мне здаецца, адна мэта — трэба выклікаць у грамадстве нейкі пратэстны настрой. Гэта не на карысць краіне і тым жа людзям. Таму мы павінны праяўляць спакой, вытрымку — і я бачу, што людзі на гэта настроены», — выказаў думку старшыня Палаты прадстаўнікоў.

Правёўшы апошнім часам шмат сустрэч, у тым ліку ў рэгіёнах, Уладзімір Андрэйчанка прыйшоў да высновы, што людзі разумеюць: толькі працай, дысцыплінай, правапарадкам можна зрабіць краіну сучаснай, квітнеючай рэспублікай.

Варвара МАРОЗАВА

Выбар рэдакцыі

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.

Грамадства

Марына Мулявiна: Пасля разводу бацькi заставалiся блiзкiмi людзьмi

Марына Мулявiна: Пасля разводу бацькi заставалiся блiзкiмi людзьмi

Дачка галоўнага «песняра» распавяла пра сямейныя традыцыi.