Вы тут

У Мазыры непаўналетнія выкралі тры веласіпеды


На вуліцы Рыжкова з лесвічнай пляцоўкі зніклі горныя ровары «Stels» і «Fulh». У гэты ж дзень паступіла паведамленне і з вуліцы Няжнова райцэнтра. З тамбура ў пад’ездзе вечарам знік яшчэ адзін «Stels». Прычым ні адзін з веласіпедаў не быў прышпілены хоць бы велазамком.


Да пошуку зламыснікаў прыступілі аператыўнікі крымінальнага вышуку Мазырскага РАУС. У выніку след прывёў у Калінкавічы, дзе ўсе тры веласіпеды стаялі каля пад’езда аднаго са шматпавярховых дамоў. А «пакатацца» іх узялі два браты 12-ці і 8-мі гадоў пад кіраўніцтвам 17-гадовага таварыша, які і выступіў ініцыятарам паездкі ў суседні горад, паведамляе УУС Гомельскага аблвыканкама.

А ў Буда-Кашалёўскім раёне супрацоўнікамі мясцовага РАУС па падазрэнні ў крадзяжы веласіпеда быў затрыманы 27-гадовы жыхар адной з вёсак. Увечары ў раённым цэнтры яму «спадабаўся» ровар «Stels», які стаяў каля пад’езда.

Ва ўсіх выпадках следчымі дадзена прававая ацэнка дзеянням грамадзян. Распачаты крымінальныя справы. Транспартныя сродкі вернутыя ўладальнікам.

Сяргей РАСОЛЬКА

Прэв’ю: pxhere.com

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.