25 верасня, пятніца

Вы тут

Эканоміка Кітая працягне аднаўляцца


У другім паўгоддзі.


Кітайская эканоміка мае дастатковую падтрымку для захавання ўстойлівага аднаўлення ў другой палове 2020 года, заявіла афіцыйны прадстаўнік Дзяржаўнага статыстычнага ўпраўлення КНР Лю Айхуа, перадае «Жэньмінь жыбаа» анлайн».

«Стабільнае аднаўленне эканомікі Кітая ў першым паўгоддзі заклала трывалы падмурак для працягу аднаўлення ў другой палове года», — заявіла эксперт, адзначыўшы аднаўленне некалькіх ключавых эканамічных паказчыкаў як увогуле ў першым паўгоддзі, так і ў другім квартале ў прыватнасці.

Негатыўны эфект ад эпідэміі COVID-19 быў ў цэлым кантраляваным, а кітайская эканоміка прадэманстравала выдатныя магчымасці па самарэгуляцыі, заявіла Лю Айхуа, дадаўшы, што перавагі краіны ў прамысловай сістэме, інфраструктуры і рынку працягнуць змякчаць гэтае ўздзеянне.

Падчас эпідэміі з’явілася мноства новых галін і бізнес-мадэляў. Яны працягнуць аказваць моцную падтрымку эканамічнаму аднаўленню ў другой палове года, адзначыла Лю Айхуа, дадаўшы, што эфект ад макрапалітыкі будзе бачны ў будучыні.

«Мы цалкам упэўненыя ва ўстойлівым аднаўленні кітайскай эканомікі ў другім паўгоддзі», запэўніла яна, адзначыўшы, што Кітай валодае базісам, патэнцыялам і ўмовамі для дасягнення гэтай мэты. Тым не менш, Лю Айхуа таксама падкрэсліла, што эпідэмія COVID-19 зараз распаўсюджваецца па свеце хуткімі тэмпамі, а сусветная эканоміка зноў перажывае не лепшыя часы. Аднаўленне ўнутранага попыту ў Кітаі таксама буксуе, а ў стабілізацыі прадпрымальніцкай дзейнасці і забеспячэнні працаўладкавання назіраюцца вялікія цяжкасці.

Прэв’ю: chinatutor.ru

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.