Канстанцыя Буйло (1893—1986) — выдатная беларуская паэтэса. Аўтар паэтычных зборнікаў і кніжак вершаў для дзяцей. Заслужаны дзеяч культуры БССР, узнагароджана ордэнамі і медалямі.
Вершы — Канстанцыя БУЙЛО,
музыка — Яўген КСЯНЕВІЧ
1. Ты дала
мне жыццё,
удыхнула мне сілу
у грудзі;
Мне з табою ніколі
ні сумна, ні цяжка
не будзе,
Бо жыву я цяпер
тваіх дум
жыватворчаю сілай,
Што ўліла ты мне
ў сэрца...
Ты песні мае
разбудзіла.
Прыпеў:
Зямля мая далёкая,
Зямля мая цудоўная,
Радзіма сінявокая,
Каму красой ты роўная?
Мо ёсць
і прыгажэйшыя,
Каму што ў свеце
глянецца.
Мая ж
найдаражэйшаю
Да смерці
мне астанецца.
2. Чую я на сабе
цеплыню тваёй
матчынай ласкі,
Мая родная, добрая,
сон мой
з дзіцячае казкі.
Вось табе маё сэрца,
мой розум, і праца,
і песня,
Веру, думкі крылатыя
новым святлом
ты абвесніш.
Прыпеў.
3. Жыць хачу
я табой,
для цябе,
наша родная маці,
Дык прымі ж ты мяне
ў сваёй светлай,
у радаснай хаце!
Поле роднае вокал.
Збіраюцца
з выраю птушкі.
Лёг мой шлях да цябе
шаўкавістай,
шырокай істужкай.
Прыпеў.
Мерапрыемства праводзіцца на добраахвотнай аснове.
Не выявіць ні секунды абыякавасці.