Са дня iх стварэння споўнiцца 90 гадоў — i юбiлей абавязкова будзе адзначаны. Напярэдаднi свята камандуючы сiламi спецыяльных аперацый Узброеных Сiл генерал-маёр Вадзiм Дзенiсенка расказаў пра тое, якiя ж мерапрыемствы запланаваны ў Мiнску.
— 1 жнiўня каля Палаца спорту аб 11-й гадзiне пачнецца святочная праграма. Гэта вальс БТР на вадзе, дэсантаванне на зямлю i ваду. Таксама мы пакажам новае адзенне i зброю, пройдуць шматлiкiя спартыўныя спаборнiцтвы i паказальныя выступленнi па рукапашным баi i гарадскiм альпiнiзме. Свае навыкi пакажуць i баявыя плыўцы.
У гэты ж дзень адбудзецца ўрачысты сход у Цэнтральным доме афiцэраў.
— Мы спецыяльна да гэтага рыхтавалiся на працягу двух гадоў, вывяралi нумары, праводзiлi конкурсы. Адбудуцца канцэрт, выстаўка дзiцячых малюнкаў. Пакажам i «Мiс сiл спецыяльных аперацый», — дадаў Вадзiм Дзенiсенка.
2 жнiўня ў злучэннях i воiнскiх часцях сiл спецыяльных аперацый у Брэсце, Мар'iнай Горцы i Вiцебску святкаванне працягнецца.
— Мы запрашаем сюды ўсiх, хто цiкавiцца нашай тэмай, хто служыў цi яшчэ будзе служыць, — дадаў Вадзiм Дзенiсенка. — Прыходзьце на нашы пляцоўкi i бярыце з сабой дзяцей. Будзе вельмi цiкава.
* * *
У сувязi з падрыхтоўкай да святочных мерапрыемстваў з 25 лiпеня да 2 жнiўня па аўтамабiльных дарогах агульнага карыстання будуць iсцi калоны колавай ваеннай i спецыяльнай тэхнiкi. 26 лiпеня адбылася рэпетыцыя каля Палаца спорту.
Тэхнiка будзе рухацца i 2 жнiўня ў Мар'iнай Горцы — па вулiцах Новая Зара i Ленiнская з 7 да 8 i з 15 да 16 гадзiн.
1 жнiўня пасля завяршэння святочных мерапрыемстваў плануецца вяртанне асабовага складу i тэхнiкi ў пункты пастаяннай дыслакацыi. Iнфармацыя пра час i маршруты руху будзе размешчана дадаткова.
ДАI i ВАI рэкамендуюць удзельнiкам дарожнага руху павысiць пiльнасць i выконваць Правiлы дарожнага руху.
Валяр'ян ШКЛЕННIК
Прэв’ю: БЕЛТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».