Вы тут

Аплата праезду анлайн. Хутка ва ўсiм грамадскiм транспарце Мiнска


Укаранiць сэрвiс TIX i сiстэму «Аплата» ў салонах 2,5 тысячы адзiнак рухомага саставу сталiцы плануюць да 1 верасня.


Пра гэта паведамляе Мiнгарвыканкам у сваiм афiцыйным тэлеграм-канале.

— Мы бачым, што сучасныя спосабы аплаты праезду запатрабаваныя ў гараджан, i стараемся стварыць для iх зручнасцi. Абедзве сiстэмы зарэкамендавалi сябе добра. Пытанне толькi ў тым, каму з пасажыраў якая зручней. Таму дадзiм людзям выбар: даступныя будуць дзве сiстэмы аплаты з дапамогай мабiльных праграм, кожны скарыстаецца той, якая яму больш даспадобы, — кажа намеснiк старшынi Мiнгарвыканкама Аляксандр ДАРАХОВIЧ.

Як адзначылi ў выканкаме, пастаўлена задача, каб да 1 верасня аплату праезду анлайн укаранiлi i ва ўсёй сетцы маршрутных таксi сталiцы.

Будзе развiвацца i аплата праезду ў метро з дапамогай сканавання твару. Яе ўжо пратэсцiравалi, яна працуе без збояў. У хуткiм часе сiстэму ўвядуць на трэцяй лiнii метро, а затым распаўсюдзяць на першай i другой лiнiях.

Дарэчы, аплацiць праезд смартфонам ужо цяпер можна ва ўсiх сталiчных трамваях: у рухомым саставе сталiчных трамвайных маршрутаў укаранiлi сiстэму TIX. Магчымасць аплаты праезду смартфонам дзейнiчае з 21 лiпеня.

Каб скарыстацца вiртуальнай аплатай праезду, пасажыру неабходна спампаваць у GooglePlay або AppStore праграму TIX ды прывязаць да яе сваю банкаўскую картку: Visa, MasterCard, БелКарт. Сэрвiс прадстаўлены на рускай, беларускай, англiйскай i польскай мовах.

Аплацiць бiлет можна проста на прыпынку, калi патрэбны транспарт яшчэ толькi пад'язджае. У праграме адлюструюцца нумар маршруту i прапанова зрабiць аплату.

Акрамя таго, у TIX можна набыць бiлет, а затым, апынуўшыся ў салоне транспартнага сродку, абраць кнопку «Аплацiць» насупраць патрэбнага нумара транспарту.

Нагадаем, з 4 мая TIX дзейнiчае ў аўтобусных маршрутах № 1 i № 100.

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.