Цэнтралізаванае тэсціраванне ў рэзервовыя дні стартуе сёння ў Беларусі. Выпрабаванне плануюць здаваць 1335 чалавек — тыя, хто з паважных прычынаў не змаглі яго прайсці ў асноўны дзень. Пры гэтым камісія разглядала кожны выпадак індывідуальна, паведамляе БелТА.
У першы рэзервовы дзень здаваць ЦТ будуць 711 абітурыентаў. «Па прадметах лідзіруюць матэматыка і руская мова, на якія зарэгістравана 158 і 155 абітурыентаў адпаведна, — распавяла намеснік дырэктара па асноўнай дзейнасці Рэспубліканскага інстытута кантролю ведаў Наталля Вайцяховіч. — Заяўлены практычна ўсе прадметы. У першы дзень цэнтралізаванага тэставання ў рэзервовыя дні з замежных моваў не будуць здавацца іспанская і французская, а таксама геаграфія і сусветная гісторыя».
ЦТ у рэзервовыя дні пачынаецца, як і ў асноўныя, у 11.00.
У кожнай вобласці вызначаны пункт здачы ЦТ у рэзервовыя дні, усяго іх шэсць. Тэсціраванне пройдзе на базе Беларускага дзяржаўнага універсітэта, Беларуска-Расійскага ўніверсітэта, Брэсцкага дзяржаўнага тэхнічнага ўніверсітэта, Гродзенскага дзяржаўнага універсітэта імя Я.Купалы, Віцебскага дзяржаўнага тэхналагічнага універсітэта, Гомельскага дзяржаўнага тэхнічнага ўніверсітэта імя П.О.Сухога.
Рэзервовыя дні цэнтралізаванага тэсціравання: 19 і 21 ліпеня — беларуская і руская мовы, 19 і 23 ліпеня — грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (найноўшы час).
Сертыфікаты ЦТ у пунктах яго правядзення абітурыентам пачнуць выдаваць з 24 ліпеня, тым, хто здаваў ЦТ у рэзервовыя дні, — з 29 ліпеня.
Прэв’ю: adukar.by
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.