25 верасня, пятніца

Вы тут

Як пазбавіцца ад мурашак на агародзе


Мы ведаем, што мурашы, з аднаго боку, прыносяць карысць на дачным агародзе, бо рыхляць зямлю, насычаючы яе кіслародам. Але з другога боку, гэта адны з самых злосных ворагаў многіх дачнікаў і садаводаў, таму што разносяць тлю, якая паядае нашы дачныя расліны і ўраджаі.


Таму шмат хто лічыць, што з мурашкамі на агародзе неабходна змагацца, а рыхліць градкі лепш самастойна, без прыцягнення мурашынай сілы. Ёсць шмат спосабаў пазбаўлення ад мурашак, але вельмі часта яны не зусім карысныя для нашых агародных пасадак, альбо вельмі дарагія, альбо патрабуюць дадатковых інгрэдыентаў, па якія трэба спецыяльна бегчы ў краму ці аптэку. Ведаю адзін спосаб, які дапамагае вельмі эфектыўна. І пры гэтым ён бяспечны для нашых раслін, свойскіх жывёл і людзей. Плюс да ўсяго — зусім недарагі!

Ва ўсіх на лецішчы, напэўна, ёсць манка. І яе можна выкарыстоўваць не толькі па прамым прызначэнні. Усім гаспадыням вядома ўласцівасць гэтых круп набракаць пры змешванні з вадкасцю. Мурашы ахвотна ласуюцца манкай, але манныя крупінкі, трапляючы ў арганізм насякомага, пачынаюць набракаць, што прыводзіць да гібелі мурашак. Хочаце ачысціць свой дачны ўчастак ад шкоднікаў — бярыце і рассыпайце манку на дарожках, якія праклалі мурашы. Крупы таксама можна і трэба размяшчаць у ягадніках, на клумбах і побач з фруктовымі дрэвамі. А каб манку не падзяўблі птушкі, яе трэба крыху прыцерушыць зямлёй і прыкрыць лісцем. Найлепшы час для гэтага — сухое надвор'е без ветру: так крупінкі не разляцяцца і не намокнуць. Для большай эфектыўнасці можна змяшаць манку з просам.

Дзейнічае гэты сродак на ўсе сто працэнтаў, і прытым безадмоўна!

Яўген САЛАНОВІЧ, дачнiк са шматгадовым вопытам

Фота: 7dach.ru

Загаловак у газеце: Супраць мурашынай сілы

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.