Вы тут

Андрэй Кунцэвiч: Трэба адказна падыходзiць да вырашэння актуальных праблем на месцах


Трэба адказна падыходзiць да вырашэння актуальных праблем на месцах. Такое меркаванне выказаў карэспандэнту БЕЛТА намеснiк кiраўнiка Адмiнiстрацыi Прэзiдэнта Андрэй Кунцэвiч падчас рабочай паездкi ў Магiлёў.


«У нашай краiне актыўна праходзяць сустрэчы працоўных калектываў, прадстаўнiкоў грамадскiх аб'яднанняў, жыхароў населеных пунктаў з кiраўнiкамi рэспублiканскiх ведамстваў, мiнiстэрстваў i канцэрнаў. Гэта дазваляе даведацца пра найбольш праблемныя i надзённыя пытаннi, якiя хвалююць людзей, узяць iх на кантроль i пастарацца знайсцi для iх рашэнне», — адзначыў Андрэй Кунцэвiч.

Намеснiк кiраўнiка Адмiнiстрацыi Прэзiдэнта азнаёмiўся з ходам мадэрнiзацыi i тэхналагiчнымi працэсамi на Магiлёўскай абласной узбуйненай друкарнi iмя Спiрыдона Собаля. Як распавёў галоўны iнжынер прадпрыемства Сяргей Буракоўскi, зараз iдзе рэканструкцыя былога памяшкання склада пад аддзяленне па вырабе газетных выданняў. «Будаўнiчыя работы на гэтым аб'екце практычна завяршылiся. У гэтым годзе плануем устанавiць на абноўленую пляцоўку друкарскае абсталяванне, якое ўжо закуплена. Гэта не толькi пашырыць вытворчыя плошчы, але i дазволiць асвоiць новыя тэхналогii. Акрамя таго, запуск новай машыны значна палепшыць якасць выпускаемай прадукцыi — так мы зможам асвоiць новыя рынкi».

На працягу дня намеснiк кiраўнiка Адмiнiстрацыi Прэзiдэнта правёў некалькi сустрэч з каардынацыйнымi саветамi Магiлёва i вобласцi, прадстаўнiкамi СМI i працоўным калектывам абласной друкарнi. «Тое, што я пачуў сёння, сведчыць, што мясцовая ўлада добра спраўляецца з найбольш актуальнымi праблемамi, якiя турбуюць людзей, — сказаў Андрэй Кунцэвiч. — Але кантакт з грамадскасцю павiнен быць больш цесным. У людзей ёсць нямала цiкавых прапаноў i iдэй, якiя можна ажыццявiць дзякуючы сумеснай працы з органамi кiравання».

Былi паднятыя i праблемныя пытаннi. Напрыклад, стварэнне безбар'ернага асяроддзя для людзей з аслабленым зрокам у Шклове, устаноўка крытых прыпыначных павiльёнаў у Магiлёўскiм раёне. Жыхары Магiлёва скардзiлiся на якасць дарожнага пакрыцця на некаторых вулiцах. Цiкавiла iх i пытанне добраўпарадкавання зоны адпачынку ў Пячэрскiм лесапарку, а таксама перспектыва будаўнiцтва спартыўнага цэнтра на вулiцы Фацiна.

«Такi фармат зносiн носiць сiстэмны характар. I ў працу з людзьмi павiнны больш актыўна ўключацца дэпутаты. Сённяшнi дзень пакiнуў самыя цёплыя ўражаннi. Мы змаглi пераканацца, што, нягледзячы на некаторыя пытаннi, кiраўнiкi вобласцi i Магiлёва, грамадскiх аб'яднанняў рупяцца аб далейшым развiцці свайго рэгiёна i краiны. I такiя сустрэчы дапамагаюць у гэтым», — падсумаваў Андрэй Кунцэвiч.

Загаловак у газеце: У адкрытым фармаце

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.