Вы тут

Пракурор запрасіў 7 гадоў пазбаўлення волі для былога гендырэктара «Белтэлекама» Сяргея Сівадзедава


Пракурор запрасіў 7 гадоў пазбаўлення волі для былога гендырэктара «Белтэлекама» Сяргея Сівадзедава, паведамляе БЕЛТА.


Сяргея Сівадзедава абвінавачваюць у атрыманні хабараў на агульную суму не менш як $470 тыс. і 15 тыс. еўра. Пракурор на падставе ч.3 арт. 430 КК запрасіў яму 7 гадоў пазбаўлення волі ў калоніі ўзмоцненага рэжыму з пазбаўленнем правоў займаць пэўныя пасады тэрмінам на 5 гадоў. На думку дзяржабвінаваўцы, Сівадзедаў выканаў дасудовае пагадненне, таму пакаранне не можа быць большае за за палову максімальнага тэрміну. Акрамя гэтага, прапануецца канфіскаваць у СІвадзедава 15 тыс. еўра і $ 470 тыс.

Фігурантам Феліксу Каспяровічу і Андрэю Падгорнаму пракурор запрасіў 7,5 гады пазбаўлення волі. Яны абвінавачваюцца ў сумесным атрыманні хабараў на суму не менш як $ 868 тыс.

Ігару Кудасаву дзяржабвінаваўца прасіў прызначыць 5 гадоў пазбаўлення волі, Юрыю Зданевічу — 7 гадоў, Аляксею Мілаванаву — 6 гадоў, Юрыю Панамарову — 3 гады, расіянам Уладзіміру Казанцаву і Віталю Гарбачову — 2 гады і тры месяцы кожнаму, Міхаілу Прыгаруа — 3 гады, Уладзіміру Жыліну — 5 гадоў, Сяргею Пакрышку — 5 гадоў пазбаўлення волі.

Аляксандру Броўку пракурор папрасіў прызначыць 4 гады абмежавання волі з накіраваннем ва ўстанову адкрытага тыпу, Уладзіміру Томчанку — 3,5 гады абмежавання волі.

Грамадзяніну Латвіі Сяргею Шаркову прапануецца прызначыць штраф — Br135 тыс.

У судзе пачаліся выступы абаронцаў.

Як паведамлялася, Вярхоўны суд працягвае пачатае 10 сакавіка разбіральніцтва, пасяджэнні праходзяць у будынку суда Маскоўскага раёна Мінска. Абвінавачваюцца ў атрыманні і перадачы хабараў 16 чалавек: восем службовых асоб дзяржорганаў і банкаў, а таксама восем прадстаўнікоў камерцыйных структур. Незаконныя ўзнагароджанні звязаны з пастаўкамі тэлекамунікацыйнага абсталявання, камп’ютэрнай тэхнікі і праграмнага забеспячэння. 8 ліпеня ў судзе пачаліся спрэчкі бакоў.

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.