Вы тут

Інстытут дадатковай адукацыі створаны ў БДУ


Ён стане каардынацыйным цэнтрам у сферы дадатковай адукацыі дарослых і даўніверсітэцкай падрыхтоўкі беларускіх і замежных грамадзян. Структурна інстытут аб’яднае дзеючыя факультэты даўніверсітэцкай адукацыі замежных грамадзян, павышэння кваліфікацыі і перападрыхтоўкі і навучальны цэнтр даўніверсітэцкай адукацыі.


Рэарганізацыя падраздзяленняў накіравана на аптымізацыю навукова-метадычных і адміністрацыйных працэсаў, зніжэнне ўнутранай канкурэнцыі ў комплексе БДУ, павелічэнне аб’ёму паслуг, што прадастаўляюцца, і якасці навучання, умацаванне матэрыяльна-тэхнічнай базы.

Дзейнасць факультэта даўніверсітэцкай адукацыі замежных грамадзян будзе сканцэнтраваная на нарошчванні экспарту адукацыйных паслуг, рабоце з замежнікамі з выкарыстаннем ІКТ, іх сертыфікацыйным тэсціраванні і кантролі ведаў. Факультэт павышэння кваліфікацыі і перападрыхтоўкі актывізуе працу па арганізацыі і правядзенні праграм дадатковай адукацыі дарослых. Навучальны цэнтр даўніверсітэцкай адукацыі паглыбіць прафарыентацыйную дзейнасць сярод беларускіх абітурыентаў.

За апошнія некалькі гадоў БДУ значна ўмацаваў пазіцыі ў сферы дадатковай адукацыі. За два гады кантынгент замежных абітурыентаў на праграмах даўніверсітэцкай падрыхтоўкі вырас на 86 %: з іх тры чвэрці становяцца студэнтамі БДУ. Штогод адкрываюцца актуальныя адукацыйныя праграмы для павышэння кваліфікацыі, укараняюцца інавацыйныя тэхналогіі для навучання супрацоўнікаў ВНУ.

Надзея НІКАЛАЕВА

Прэв’ю: habr.com

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.