Якой бачаць моду маладыя дызайнеры?

         30 ліпеня адбыўся фінал ХХIХ Рэспубліканскага фестывалю-конкурсу моды і фота «Млын моды». Арганізатарамі выступілі Мінадукацыі і Нацыянальны цэнтр мастацкай творчасці дзяцей і моладзі.

         Дызайнеры, мадэлі, фатографы, стылісты, цырульнікі і візажысты паказалі сябе ў наступных намінацыях: «Школа моды», «Майстар моды», «Фота», «Мадэль-дэбют фестывалю-конкурсу», «Топ-мадэль фестывалю-конкурсу», «Міс-мадэль Беларусі »,«Містэр-мадэль Беларусі». У фінал конкурсу прайшлі 45 калекцый маладых дызайнераў з усіх рэгіёнаў Беларусі, а на прызы і дыпломы лаўрэатаў прэтэндавалі 54 дызайнераў і 11 фатографаў. Многія дызайнеры звяртаюцца да фальклору, народных матываў і экаруху.