Вы тут

“Сядзібы Віцебшчыны”: даведнік для аматараў даўніны


“Беларуская Энцыклапедыя імя Петруся Броўкі” выпусціла даведнік, у якім сабраны звесткі пра гісторыю ды сённяшні стан 292 сядзібаў з 21 раёна Віцебшчыны. Аўтар кнігі — дасведчаны збіральнік памятак мінуўшчыны Мікалай Васілевіч Півавар.


Рэгіянальнае энцыклапедычнае выданне адрасаванае ўсім, хто цікавіцца даўніной. Як на мой погляд, кніга патрэбная настаўнікам гісторыі школ, універсітэцкім выкладчыкам, студэнтам і школьнікам, краязнаўцам. У даведнік будзе карысна зазірнуць і супрацоўнікам аддзелаў культуры, спорту й турызму райвыканкамаў, аблвыканкама. Карацей — многім з тых, хто мае дачыненне да захавання культурна-гістарычнай спадчыны Бацькаўшчыны.

І, канешне ж, “Сядзібы Віцебшчыны” — унікальная падарожная кніга. Мікалай Півавар падае стылізаваныя карты раёнаў, канкрэтныя адрасы сядзіб. Напрыклад, у Аршанскім раёне іх 18: Антавіль, Бабінічы, Берасценава, Вусце, Выдрыца, Высокае, Гародня, Гародня Ніжняя, Дзядзілава, Забалацце, Засеклі, Казечкі, Ляўкі, Малыя Ліпкі, Межава, Смаляны, Юрцава, Якаўлевічы. Перад тым, як выправіцца ў падарожжа, можна звярнуцца да кнігі. Падказкі аўтара дапамогуць выбраць маршрут, знайсці дадатковыя звесткі пра тую ці іншую сядзібу. І звяртайце ўвагу на апошні абзац ва ўсіх энцыклапедычнага характару артыкулах. Скажам, пра сядзібу Антавіль чытаем: “Сучасны стан: сядзіба не захавалася. Месца сядзібы адзначана мемар. крыжам і памятнай шыльдай”. Ці пра сядзібу Выдрыца: “Сучасны стан: захаваліся мурав. панскі дом у руйнаваным стане, будынак былога завода сухой прагонкі драўніны, інш. гасп. пабудовы” і г. д.).

Наклад кнігі — 600 асобнікаў. Няма сумненняў: выданне будзе запатрабаванае як на Віцебшчыне, так і па ўсёй краіне.

Сяргей Шычко

Нумар у фармаце PDF

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.