Вы тут

У прыярытэце — добраўпарадкаванне


Прамую лінію з жыхарамі вобласці правёў у мінулую суботу старшыня Брэсцкага аблвыканкама Анатоль ЛІС: за тры гадзіны да кіраўніка вобласці дазванілася 25 чалавек.


У прыярытэце, як заўсёды, былі пытанні добраўпарадкавання, паляпшэння тэрыторый, рамонту дарог. Падобныя звароты ў ліку першых паступілі з Баранавіч і Брэста. Людзі цікавіліся аднаўленнем дзіцячых пляцовак. Яно і зразумела: прыйшло лета, дзеці больш гуляюць на свежым паветры. І аднаму, і другому заяўнікам паабяцалі, што работа будзе праведзена камунальнымі службамі разам з мясцовым насельніцтвам.

Шматдзетны бацька з вёскі Палонка Баранавіцкага раёна збіраецца ўзводзіць дом для сям'і, але з выдзяленнем участка мясцовая ўлада марудзіць. Вось і пазваніў на прамую лінію. Грамадзяніну растлумачылі, што ўчастак выдзеліць можна, калі падведзены ўсе камунікацыі, таму найчасцей і выходзіць затрымка. Але ў яго канкрэтным выпадку абяцалі разабрацца. Да слова, падобны званок паступіў летась з вёскі Тэльмы Брэсцкага раёна. Праблема вырашылася, і жыхарка названай вёскі дазванілася, каб падзякаваць за дапамогу.

А з Лунінецкага раёна паскардзіліся, што цяжка дабірацца на папулярнае месца адпачынку — возера Белае. Цана пытання — два кіламетры дарогі, якія трэба заасфальтаваць. Адказныя асобы атрымалі даручэнне вывучыць сітуацыю і даць абгрунтаваны адказ заяўніку.

На прамую лінію паступілі звароты з Брэста, Баранавіч, Бярозаўскага, Пружанскага, іншых раёнаў.

Паводле БелТА

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.