Чупрыс: За праблемай канкрэтнага чалавека трэба бачыць сiтуацыю ў цэлым

Пра гэта заявiла намеснiк кiраўнiка Адмiнiстрацыi Прэзiдэнта Вольга Чупрыс падчас асабiстага прыёму ў Пiнску

«Гэта вельмi важна — вырашыць праблему кожнага чалавека. Але калi мы бачым звароты i аналiзуем iх у сукупнасцi, то павiнны рабiць высновы пра тое, якiя ёсць недапрацоўкi ў сiстэме ў цэлым, якiя ёсць рэсурсы для таго, каб палепшыць сiтуацыю. Наша работа, у тым лiку Адмiнiстрацыi Прэзiдэнта i ўсёй сiстэмы дзяржаўных органаў, павiнна быць нацэлена на перспектыўнае развiццё. Недастаткова прааналiзаваць толькi канкрэтны зварот. Трэба прааналiзаваць у цэлым усё, што адбываецца ў тым цi iншым кiрунку, зрабiць адпаведныя высновы i, зыходзячы з гэтага, выбудаваць далейшую работу», — сказала Вольга Чупрыс.

Папярэдне на прыём запiсалiся 10 чалавек. Большасць пытанняў датычылася юрыдычнай тэматыкi — адносiн у галiне права, дзейнасцi праваахоўных органаў, судовай сiстэмы. Гэта не стала нечаканасцю для Вольгi Чупрыс. За апошнi час колькасць зваротаў у Адмiнiстрацыю Прэзiдэнта з Пiнскага рэгiёна ў цэлым знiзiлася. Разам з тым павялiчылася колькасць зваротаў па праваахоўнай сферы, рабоце судовых органаў, выкананнi вынесеных судовых рашэнняў. «Гэта значыць напрошваецца выснова: калi ёсць такi зрэз, павялiчваецца колькасць зваротаў па гэтых кiрунках, адпаведна, трэба на тое рэагаваць. Вядома, мы не пакiнем без увагi згаданыя пытаннi», — адзначыла намеснiк кiраўнiка Адмiнiстрацыi Прэзiдэнта.

Яна звярнула ўвагу на тое, што ў цэлым мяняецца характар пытанняў, з якiмi людзi звяртаюцца на асабiстыя прыёмы. Напрыклад, раней часцей за ўсё гаворка iшла аб праблемах у жыллёва-камунальнай гаспадарцы. Цяпер колькасць такiх зваротаў значна зменшылася. «Што сведчыць аб тым, што сiстэма пачала працаваць у гэтым кiрунку. Значыць скаргi грамадзян далi штуршок да таго, каб былi паляпшэннi ў гэтай сферы. Мне здаецца, людзi пачынаюць давяраць таму, што мы робiм. Бо яны ўбачылi: адзiн раз вырашылi, другi, трэцi, потым сiстэмна папрацавалi, палепшылi кiрунак», — падкрэслiла Вольга Чупрыс.

Падчас сваёй паездкi ў рэгiён яна таксама наведала Палескi дзяржаўны ўнiверсiтэт, дзе азнаёмiлася з праектамi, над якiмi працуе iнжынiрынгавы цэнтр ВНУ, сустрэлася з прафесарска-выкладчыцкiм саставам.

Паводле БелТА