Вы тут

Зацверджаны перанос тэрмiнаў правядзення чэмпiянату свету па хакеі 2021 года


Кангрэс Мiжнароднай федэрацыi хакея зацвердзiў перанос тэрмiнаў правядзення чэмпiянату свету 2021 года, якi пройдзе ў Беларусi i Латвii.

Турнiр адбудзецца з 21 мая да 6 чэрвеня. Гэтае рашэнне было аргументавана неабходнасцю прыстасавацца да больш позняга старту лiг у Еўропе i Паўночнай Амерыцы. Нагадаем, ранейшыя тэрмiны чэмпiянату былi намечаны з 7 да 23 мая.


«Мы перанеслi чэмпiянат свету на пазнейшыя тэрмiны па настойлiвай просьбе нацыянальных лiг, асаблiва еўрапейскiх. Нас прасiлi пачаць як мага пазней. Хацелася даць магчымасць гульцам з НХЛ паўдзельнiчаць у чэмпiянаце свету — гэта асаблiва важна для зборных Канады i ЗША, — адзначыў прэзiдэнт Мiжнароднай федэрацыi хакея Рэнэ Фазель. — Цяпер усё iдзе да таго, што ў НХЛ рэгулярны сезон пачнецца нашмат пазней, чым звычайна. Магчыма, ён скончыцца толькi ў пачатку мая. Перанос дат чэмпiянату свету на пазнейшыя тэрмiны дае зборным больш прасторы для прыцягнення хакеiстаў з НХЛ».

Расклад матчаў i iнфармацыя аб продажы бiлетаў будзе апублiкавана пазней. У Мiнску свае матчы правядуць каманды групы А — Расiя, Швецыя, Чэхiя, Швейцарыя, Славакiя, Данiя, Беларусь i Вялiкабрытанiя. Удзельнiкi групы B — Канада, Фiнляндыя, ЗША, Германiя, Латвiя, Нарвегiя, Iталiя, Казахстан — згуляюць у Рызе. Фiнал чэмпiянату свету адбудзецца 6 чэрвеня на «Мiнск-Арэне».

Нагадаем, планетарнае першынство 2020 года, якое павiнна было прайсцi ў маi ў Швейцарыi, было адменена з-за пандэмii каранавiруса.

Дар'я ЛАБАЖЭВІЧ

Прэв'ю: sport-express.ru

Загаловак у газеце: Каб канкурэнцыя была мацнейшая

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.