Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра найбольш актуальныя падзеі выхадных.


1. Аршанскі «Вітэн» чацвёрты раз стаў чэмпіёнам Беларусі па міні-футболе, адолеўшы гомельскі ВРЗ у серыі за залатыя медалі — 3:2.

У пятым, вырашальным, паядынку залатой серыі аршанцы выйгралі на сваёй пляцоўцы з лікам 4:1. Да гэтага абодва прэтэндэнты на чэмпіёнскі тытул атрымалі па дзве вікторыі на сваіх пляцоўках: «Вітэн» выйграў 3:2 (у авертайме) і 4:2, а ВРЗ двойчы перамог з аднолькавым вынікам 2:1.

Раней «Вітэн» выйграваў чэмпіянат краіны ў 2008, 2009 і 2013 гадах. Уладальнікамі бронзавых медалёў XXXІ чэмпіянату краіны па міні-футболе сталі спартсмены мінскай «Сталіцы», якія двойчы абыгралі гомельскі БЧ — 4:1 (дома) і 6:3 (у гасцях).

Нагадаем, самым тытулаваным клубам з'яўляецца мінскі «Дарожнік», які шэсць разоў станавіўся чэмпіёнам краіны. У «Лідсельмаша» і «Вітэна» па чатыры «золаты», па тры — у «Мінска», МАПІДа і «Сталіцы».

2. У нядзелю завяршыўся кваліфікацыйны раўнд адзіночнага разраду адкрытага чэмпіянату Беларусі па тэнісе. У мужчын у асноўную сетку турніру выйшлі Зураб Багатрышвілі, Мікалай Банькоў, Хактан Гараеў, Іван Паўлючэнка, Ціхан Феедораў, Цімафей Куксаў, Ягор Слізевіч, Данііл Пятроўскі. У жанчын — Улада Зверава, Анастасія Рафальская, Алеся Якубовіч, Стэфанія Шабанава, Дар'я Хамуцянская, Крысціна Дзмітрук, Вераніка Прыц, Анастасія Абрамовіч. Па завяршэнні кваліфікацыі адбылася жараб'ёўка месцаў у асноўнай сетцы турніру. Адзначым, што матчы асноўнай сеткі ў мужчын і ў жанчын будуць згуляныя ў два дні — панядзелак і аўторак.

3. Завяршыліся матчы 14-га тура чэмпіянату краіны па футболе. Гульцы салігорскага «Шахцёра» не здолелі адолець брэсцкі «Рух» — 1:1, і такім чынам разрыў паміж «Шахцёрам» і лідарам БАТЭ, які абыграў у Бабруйску мясцовую «Белшыну» з вынікам 2:0, павялічыўся да чатырох ачкоў. Вынікі астатніх матчаў 14-га тура: «Віцебск» — «Мінск» — 1:0, «Слуцк» — «Нёман» (Гродна) — 0:1, «Славія» (Мазыр) — «Смалявічы» — 2:1, «Іслач» (Мінскі раён) — «Тарпеда-БелАЗ» (Жодзіна) — 2:2, «Дынама» (Брэст) — «Гарадзея» — 3:1, «Дынама» (Мінск) — «Энергетык-БДУ» (Мінск) — 0:0.

Турнірнае становішча: БАТЭ — 30 ачкоў (14 матчаў), «Шахцёр» — 26 (14), «Дынама» (Брэст) — 25 (14), «Нёман» — 23 (13), «Тарпеда-БелАЗ» — 23 (14), «Энергетык-БДУ» — 23 (14), «Віцебск» — 21 (14), «Іслач» — 20 (14), «Дынама» (Мінск) — 20 (14), «Слуцк» — 18 (14), «Славія» — 18 (14), «Рух» — 16 (14), «Гарадзея» — 15 (14), «Мінск» — 13 (12), «Смалявічы» — 7 (13), «Белшына» — 6 (14).

Спіс найлепшых бамбардзіраў узначальваюць Гегам Кадзімян («Нёман»), Павел Няхайчык (БАТЭ), Іён Нікалаеску («Віцебск»), Віталь Лісаковіч («Шахцёр») і Джасурбек Яхшыбаеў («Энергетык-БДУ»), якія забілі па сем мячоў.

Наступны тур пройдзе з 26 да 28 чэрвеня.

4. Еўрапейская гандбольная федэрацыя вызначыла ўсе каманды, якія выступяць на групавым этапе новага сезона Лігі чэмпіёнаў. У лік 16 удзельнікаў асноўнага этапу галоўнага кантынентальнага клубнага турніру ўвайшоў і чэмпіён Беларусі Брэсцкі гандбольны клуб імя Мяшкова. Іх сапернікамі стануць два прадстаўнікі нямецкай бундэслігі «Кіль» і «Фленсбург», а таксама іспанская «Барселона», дацкі «Ольбарг», венгерскія «Веспрэм» і «Пік», харвацкі «Заграб», французскія «Пары Сэн-Жэрмэн» і «Нант», нарвежскі «Эльверум», славенскі «Цэле», партугальскі «Порту», «Вардар» са Скоп'е, польскі «Віве» з Кельце, у якім гуляюць беларускія гандбалісты Арцём Каралёк і Уладзіслаў Кулеш, і ўкраінскі «Матор» з Запарожжа з беларусамі Барысам Пухоўскім, Максімам Бабічавым, Іванам Марозам і Вячаславам Боханам у складзе.

Нагадаем, у бягучым сезоне Лігі чэмпіёнаў прайшоў толькі групавы этап. Плануецца, што вырашальны этап адбудзецца 28-29 снежня ў нямецкім Кёльне.

Дар'я ЛАБАЖЭВІЧ

Загаловак у газеце: Залатая серыя скончана

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.