Вы тут

Віцэ-спікер Савета Рэспублікі Анатоль Ісачанка правёў першы стрым у сацсетках


Магчымасць задаць пытанне анлайн і адразу атрымаць на яго адказ — безумоўна, нешта новае ў рабоце сенатараў, іншая форма камунікацыі, вельмі запатрабаваная маладым пакаленнем. Віцэ-спікер Савета Рэспублікі Анатоль ІСАЧАНКА правёў першы стрым у сацсетках і абяцае, што гэта толькі пачатак.


Не так даўно ў сенатара з'явілася асабістая старонка ў сацыяльных сетках, якая вельмі актыўна папаўняецца новымі матэрыяламі і фотаздымкамі. На гэтым тыдні намеснік старшыні Савета Рэспублікі, нацыянальны каардынатар па Мэтах устойлівага развіцця адказваў на пытанні карыстальнікаў Facebook і Іnstagram. Яны цікавіліся, чаму ён зарэгістраваўся ў сацсетках, ці выніковая работа са зваротамі грамадзян і іншымі пытаннямі. Анатоль Ісачанка адказаў, што такая форма зносін з людзьмі запатрабаваная маладзёжнай часткай аўдыторыі. Што датычыцца зваротнай сувязі, прывёў прыклады вырашэння пытанняў заяўнікаў, як кажуць, па гарачых слядах. На нядаўняй прамой лініі да віцэ-спікера звярнуўся мужчына з Касцюковіч Магілёўскай вобласці, які расказаў, што патрабуе лячэння, але працэс ідзе марудна. Пасля ўмяшальніцтва Савета Рэспублікі мужчыну аказалі неабходную дапамогу. Як і заяўніцы са Слуцка, якая скардзілася на цяжкасці з працаўладкаваннем — жанчыне падказалі ўсе варыянты з вырашэннем гэтага пытання. Неабходныя тлумачэнні і дапамога ў межах закона была аказана дзяўчыне-сіраце, за якую хадатайнічала цётка на адной з прамых ліній. І гэта толькі вяршыня айсберга ў вырашэнні пытанняў грамадзян. Ніводзін зварот у Савет Рэспублікі не застаецца без увагі, растлумачыў карыстальнікам сацсетак віцэ-спікер.

— Сёння правёў свой першы стрым. Пастараўся адказаць на большую частку пытанняў, — падсумаваў яго вынікі Анатоль Ісачанка. — Упэўнены, што такі фармат стане эфектыўным спосабам камунікацыі ў мэтах вырашэння канкрэтных праблем грамадзян. Надалей кожны са стрымаў будзе накіраваны на абмеркаванне найбольш актуальных пытанняў у грамадстве. Да сустрэчы ў прамым эфіры!

Вольга АНУФРЫЕВА

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.