Вы тут

«Мы не можам падвесцi гледачоў». «Славянскi базар — 2020» скарачаецца, але не адмяняецца


29-ы па лiку Мiжнародны фестываль мастацтваў «Славянскi базар у Вiцебску» пройдзе сёлета з 16 да 20 лiпеня ў новым фармаце i, паводле слоў мiнiстра культуры Юрыя Бондара, мае ўсе шанцы стаць адным з самых маштабных open air-аў у Еўропе.


Справа ў тым, што, з улiкам умоў, якiя складваюцца ў Беларусi i ў свеце, мастацкi форум выйдзе з закрытых памяшканняў на вулiцы i плошчы, у дворыкi i паркi Вiцебска. Так, на галоўнай адкрытай пляцоўцы фэсту — у Летнiм амфiтэатры — адбудуцца сем самых маштабных праграм: канцэрты адкрыцця i закрыцця «Славянскага базару», конкурс маладых выканаўцаў «Вiцебск-2020»
(у iм, як плануецца, выступяць прадстаўнiкi 18 краiн свету, а другi конкурсны дзень упершыню сумесцяць з канцэртам закрыцця фэсту, каб гледачы маглi ўбачыць жывыя, непадробныя эмоцыi артыстаў), канцэрт «Саюзная дзяржава запрашае...», складзены з кiнашлягераў, а таксама праграмы «Залаты хiт», «Шансон ТБ — усе зоркi» i зборны канцэрт «Рок на ўсе часы».

Што да дзiцячага мiжнароднага конкурсу «Вiцебск-2020», у якiм заяўлены юныя выканаўцы з 21 краiны свету, то ён пройдзе на новай пляцоўцы — адкрытай сцэне, якую спецыяльна ўзводзяць каля КЗ «Вiцебск». Арганiзатары прызнаюцца: доўга спрачалiся, цi не лепш будзе ладзiць конкурсы ў анлайн-фармаце, але потым вырашылi, што было б несумленна пазбаўляць пераможцаў нацыянальных адбораў магчымасцi выступiць перад публiкай. Тым больш у дырэкцыi фестывалю абяцаюць на сто працэнтаў выконваць усе рэкамендаваныя Мiнiстэрствам аховы здароўя меры бяспекi для артыстаў i гледачоў. Але як быць замежным удзельнiкам «Славянскага базару», калi да сярэдзiны лiпеня iх краiны яшчэ не адкрыюць гранiцы? «Мы ўжо месяц у рэспублiканскiм аргкамiтэце працуем над гэтым пытаннем, — запэўнiвае дырэктар фестывалю Глеб Лапiцкi, — у шчыльным кантакце з усiмi дзяржаўнымi структурамi, ад Мiнздароўя i Мiнкультуры да МЗС. Двойчы на тыдзень адсочваем бягучую эпiдсiтуацыю, разглядаем магчымасцi эксклюзiўных дамоў з дзяржавамi — удзельнiцамi фестывалю, i пакуль што няма насцярожанасцi, што нехта з артыстаў не зможа прыехаць».

На жаль, дзеля новага фармату некаторымi мерапрыемствамi давялося ахвяраваць. Адменены ўся тэатральная праграма, КВЗ-канцэрт, а таксама раней заяўленыя ў закрытых залах «сольнiкi» артыстаў (апошнiх арганiзатары запрасiлi ў зборныя канцэрты). Абноўленая праграма ўжо размешчана на афiцыйным сайце fest-sbv.by. Пры гэтым, адзначыў Юрый Бондар, з рэалiзаваных раней амаль 15 тысяч бiлетаў (больш за 1000 набылi замежнiкi) падчас «стадыi неакрэсленасцi», цi будзе наогул «Славянскi базар у Вiцебску» i ў якiм рэжыме ён пройдзе, у касы было здадзена не больш за 70. «Гэта сведчыць пра тое, што i жыхары Вiцебска, i замежнiкi гэтага свята чакаюць, i падвесцi чаканнi гледачоў было б няправiльна», — перакананы мiнiстр.

Вiкторыя ЦЕЛЯШУК

Прэв'ю: censor.net.ua

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.