Беларусь гатовая дзяліцца з Венгрыяй вопытам у распрацоўках у сферы электратранспарту, заявіў прэм’ер-міністр Беларусі Раман Галоўчанка сёння на сустрэчы з венгерскім калегам Віктарам Орбанам, перадае БЕЛТА.
«Мы прапануем нашым венгерскім партнёрам скарыстацца вопытам Беларусі ў распрацоўках і вытворчасці зялёнага транспарту, электратранспарту. Можна яшчэ шмат пералічваць перспектыўныя напрамкі, па якіх мы хацелі б працаваць, але я б хацеў выкарыстаць гэты час, каб пачуць больш ваша персанальнае бачанне. Каб мы лепш разумелі, куды і з якой інтэнсіўнасцю, у якіх сектарах больш перспектыўна рухацца», — адзначыў Раман Галоўчанка.
«Вельмі правільна і добра, што гэта (супрацоўніцтва Беларусі і Венгрыі. — Заўвага БЕЛТА) дарога з двухбаковым рухам. Праекты ўключаюць як прыцягненне і выкарыстанне беларускіх тэхналогій у Венгрыі ў такіх сферах, як машынабудаванне, будаўніцтва, так і венгерскіх тэхналогій у Беларусі — гэта сельская гаспадарка, фармацэўтыка. Гэта вельмі збалансаваны падыход. Усе гэтыя праекты звязаны з дабрабытам насельніцтва, працоўнымі месцамі, занятасцю», — заўважыў ён.
Раман Галоўчанка звярнуў увагу, што візіт прадстаўнічай дэлегацыі Венгрыі ў Беларусь у той час, калі ўся міжнародная дзейнасць перайшла ў віртуальную прастору, з’яўляецца вельмі добрым знакам. «Венгрыя для Беларусі — вельмі важны партнёр. Мы, безумоўна, удзячныя за выразную і прынцыповую пазіцыю, якую вы займаеце з нагоды антыбеларускіх санкцый, несправядлівай пазіцыі асобных дзяржаў, блокаў у дачыненні да нашай краіны», — сказаў ён.
Віктар Орбан пажадаў Раману Галоўчанка вялікіх поспехаў на пасадзе прэм’ер-міністра і выказаў надзею, што пасля першай сустрэчы рушыць услед шэраг іншых.
«Віншую вашу краіну, што вы з такім поспехам пераадолелі апошняе дзесяцігоддзе, з тым парадкам, які я бачу усюды. Віншую з тымі паказчыкамі, дакладней, з той працай, якая за гэтымі паказчыкамі стаіць. Мы, венгры, таксама жывем у досыць складанай геапалітычнай сітуацыі, але і вы на нуду жаліцца не будзеце. А ў такіх умовах такія дасягненні з’яўляюцца асабліва каштоўнымі», — адзначыў Віктар Орбан.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».