Аператыўнікі па барацьбе з эканамічнымі злачынствамі Мазырскага РАУС выявілі службовае злачынства ў дзіцячым аздараўленчым цэнтры. Яго кіраўнік выкарыстала службовыя паўнамоцтвы, каб фіктыўна аформіць свайго мужа ў якасці трактарыста і атрымліваць за яго зарплату.
У санаторыі мужчына працаваў кіроўцам. У яго няма допуску да кіравання трактарам, адпаведную катэгорыю ён таксама ніколі не атрымліваў. Тым не менш, дырэктар аформіла мужа на дзве пасады, паведамляе МУС.
Фактычна ў аздараўленчым цэнтры працаваў толькі адзін трактарыст, а муж падазраванай лічыўся на гэтай пасадзе толькі на паперы. Пры гэтым яму налічвалася штомесячная зарплата, якую і забірала сабе кіраўнік. З 2016 па 2019 гады яна выкрала такім чынам без малога 6 тысяч рублёў.
Дзеянням падазраванай следчымі дадзена прававая ацэнка, распачата крымінальная справа за крадзеж шляхам злоўжывання службовымі паўнамоцтвамі, здзейснены ў буйным памеры.
Сяргей РАСОЛЬКА
Прэв'ю: yandex.by
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».