Аператыўнікі па барацьбе з эканамічнымі злачынствамі выявілі махінацыі ў Ельскім раённым спажывецкім таварыстве. Кладаўшчыца забойнага цэха падазраецца ў прысваенні і незаконнай рэалізацыі мясной прадукцыі — па гэтым факце следчыя распачалі крымінальную справу.
Як паведамляе МУС, 65-гадовая жыхарка райцэнтра ў адпаведных актах прыніжалі вагу мяса, якое атрымліваецца пасля забою буйна-рагатай жывёлы. Лішкі складзіраваліся ў халадзільных камерах, пакуль за імі не прыязджалі перакупшчыкі — як правіла, прадстаўнікі фірмаў ці прыватнікі. Жанчына выпісвала на мяса фіктыўныя таваратранспартныя накладныя, пасля чаго прадукцыя пастаўлялася ў гандлёвыя кропкі сталіцы і Мінскай вобласці.
У пачатку мая аператыўнікі разам з ДАІ спынілі аўтамабіль аднаго з такіх пакупнікоў у Ельскім раёне. Унутры мікрааўтобуса праваахоўнікі выявілі каля 900 кілаграмаў разабраных туш. Са слоў кіроўцы, ён набыў тавар у падазраванай за 4,5 тысячы рублёў. Аднак пазней устанавілі, што рэальная сума шкоды склала больш за 5,8 тысячы рублёў.
Дзеянням кладаўшчыцы следчыя далі прававую ацэнку і распачалі крымінальную справу за прысваенне даручанай маёмасці. Вядома, што яна займала пасаду ўсяго некалькі месяцаў як падменны працаўнік. Раней пажылая жанчына доўгі час працавала ў сферы спажыўкааперацыі, да крымінальнай адказнасці не прыцягвалася.
Сяргей РАСОЛЬКА
Прэв'ю: zen.yandex.com
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.