Мiнскi гарадскi клiнiчны анкадыспансер вяртаецца да лячэння профiльных пацыентаў

Мiнскi гарадскi клiнiчны анкадыспансер вяртаецца да лячэння профiльных пацыентаў. Аб гэтым стала вядома падчас яго наведвання спiкерам Савета Рэспублiкi Наталляй Качанавай.

 — Квалiфiкаваную медыцынскую дапамогу павiнны атрымлiваць людзi з любымi захворваннямi. Вядома, зараз ва ўсiх на слыху COVID-19, але мы не можам засяроджвацца толькi на адной хваробе. У Мiнску тыя аддзяленнi, якiя былi перапрафiляваны для лячэння хворых на COVID-19, цяпер вяртаюцца да дзейнасцi ў нармальным рэжыме, да выканання сваiх функцыянальных абавязкаў. Сёння я тут, каб праверыць, як выконваецца гэта даручэнне Прэзiдэнта i наколькi дыспансер гатовы да прыёму пацыентаў, — адзначыла падчас наведвання Наталля Качанава.

У Мiнскiм гарадскiм клiнiчным анкалагiчным дыспансеры для лячэння хворых з каранавiруснай iнфекцыяй былi перапрафiляваны два аддзяленнi. 4-ы хiрургiчны корпус дыспансера спынiў сваю дзейнасць як iнфекцыйны яшчэ 22 мая — тут ужо аперыруюць анкалагiчных пацыентаў. Радыялагiчны корпус аднавiў сваю дзейнасць з 1 чэрвеня.

 — Анкалогiя — адно з сур'ёзных захворванняў. Хворыя маюць патрэбу ў дапамозе, i адкладаць яе аказанне нельга, — падкрэслiла старшыня Савета Рэспублiкi. — У дыспансер прыязджаюць людзi з розных рэгiёнаў нашай краiны. Перад медыцынскiмi работнiкамi стаiць вельмi важная задача.

Нагадаем, што калектыў дыспансера пачаў займацца лячэннем пацыентаў, iнфiцыраваных COVID-19, з 31 сакавiка. На працягу некалькiх тыдняў тут шпiталiзавалi пацыентаў з лiку кантактаў першага ўзроўню. Пасля невялiкага перапынку сюды сталi трапляць пацыенты з пнеўманiямi. Трэба дадаць, што пацыенты анкалагiчнага профiлю не засталiся без належнай дапамогi: на перыяд дзейнасцi дыспансера як iнфекцыйнага яны былi перанакiраваныя ў РНПЦ анкалогii i медыцынскай радыялогii iмя Аляксандрава.

Паводле БелТА

Прэв'ю: news.tut.by