Вы тут

Выдавецтва «Беларусь» да юбiлейных дат, звязаных з Жыровiцамi, выпусцiла яшчэ адну кнiгу


Невялiкага памеру альбом «Жыровiцкi Свята-Успенскi манастыр» пабачыў свет на трох мовах — беларускай, рускай i англiйскай. Наклад выдання — 800 экзэмпляраў. Аўтар тэкстаў — Аляксандр Ярашэвiч. У кнiзе змешчаны рэпрадукцыi даўнiх iлюстрацыйных матэрыялаў i сучасныя здымкi А. Дрыбаса, Д. Ласько. Выпуск выдання ажыццёўлены па заказе i пры фiнансавай падтрымцы Мiнiстэрства iнфармацыi Рэспублiкi Беларусь.


Несумненна, выданне будзе запатрабавана, знойдзе свайго чытача i сярод наведвальнiкаў святога месца. Пераконвае ў гэтым i грунтоўны тэкст да фатаграфiчных выяў. А. Ярашэвiч расказвае хоць i коратка, лаканiчна, але вельмi насычана, грунтоўна пра самi Жыровiцы (старажылы i зараз называюць мястэчка «Жырава», хоць такая назва ўжо ў XVII стагоддзi лiчылася старадаўняй), пра знаходку маленькага абразка Мацi Божай, пра вытокi фармiравання святой прасторы, пра тое, як узнiк манастыр. Такiя падрабязнасцi дапамагаюць больш аб'ектыўна прадставiць гiсторыю святынi, ды i ўвогуле гiсторыю праваслаўнага жыцця ў Беларусi. А. Ярашэвiч нагадвае, што «дзякуючы цудатворнаму абразу Мацi Божай i шчодрасцi фундатараў манастыр стаў буйнейшым цэнтрам рэлiгiйнага i культурнага жыцця; у iм шмат разоў адбывалiся кангрэгацыi базыльян, пачынаючы з 2-й (1629, 1658, 1659, 1661, 1675, 1679, 1694). З 1636 года богаслужэннi праводзiлiся па двух абрадах — грэчаскаму i рымскаму».

Сёння ва ўмовах пандэмii каранавiруса асаблiва важным фактам падаецца выданне такога альбома.

Сяргей ШЫЧКО

Загаловак у газеце: Жыровiцкаму манастыру прысвячаецца

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.