Вы тут

Новую версію Дзіцячага прававога сайта запусцілі ў Міжнародны дзень абароны дзяцей


Рэсурс mіr.pravo.by існуе ўжо 12 гадоў. Унікальны спецыялізаваны сайт быў створаны па ініцыятыве Адміністрацыі Прэзідэнта для развіцця прававой інфармацыйнай прасторы, адаптаванай для дзяцей і падлеткаў, і фарміравання прававой культуры юных грамадзян.

Уся інфармацыя на ім падаецца ў займальнай і даступнай форме, у тым ліку праз гульні. Асноўная мэтавая група сайта — дзеці і падлеткі ад 6 да 16 гадоў, а таксама іх бацькі, педагогі і юрысты. 

Ёсць раздзел «Гульні і конкурсы», а падказкі ў пошуку адказаў на прававыя пытанні змяшчаюцца ў інфармацыйнай частцы раздзелаў сайта «Юрыдычная азбука», «Прававыя лабірынты», «Падарожжа ў мінулае», «Наша дзяржава — Рэспубліка Беларусь» і «Карысная інфармацыя». У «Прававых лабірынтах», напрыклад, можна пазнаёміцца з «Жывой дэкларацыяй правоў дзіцяці», правамі і адказнасцю непаўналетніх.. 

Новая версія, створаная пры падтрымцы прадстаўніцтва Дзіцячага фонду ААН ЮНІСЭФ у Беларусі, мае адаптатыўны дызайн, палепшаную сістэму навігацыі, новую структуру і актуальнае напаўненне асобных раздзелаў. Сайтам таксама стане больш зручна карыстацца праз смартфоны і планшэты. 

Рэсурс шырока запатрабаваны ў нацыянальным адукацыйным працэсе. Кожны месяц яго наведваюць больш за 100 тысяч чалавек. Сёлета яго ўнеслі ў спіс інтэрнэт-рэсурсаў з адукацыйнымі праграмамі падчас падоўжаных з-за пандэміі канікул. Тут дзеці могуць замацоўваць пройдзены матэрыял, набываць новыя веды, у тым ліку юрыдычныя, атрымліваць адказы на «дарослыя» пытанні і падказкі, што рабіць у складаных сітуацыях.

За 12 гадоў скарбонку ўзнагарод дзіцячага прававога сайта папоўнілі дыплом лаўрэата ІІІ фестывалю нефармальнага навучання «Лепшы сайт у сферы нефармальнай адукацыі за 2010 год», сертыфікат расійскай Рэгіянальнай грамадскай арганізацыі «Цэнтр інтэрнэт-тэхналогій» і Цэнтра бяспечанага інтэрнэту у Расіі, статус удзельніка праграмы «Дзіцячы інтэрнэт» (уключэнне ў каталог бяспечных для дзяцей інфармацыйных сайтаў), дыплом інтэрнэт-прэміі ТІБО —2011 у намінацыі «Для дзяцей і юнацтва». 

Надзея НІКАЛАЕВА

Прэв'ю: pravo.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.