Вы тут

БУТБ змяняе парадак акрэдытацыі біржавых брокераў


Новы парадак акрэдытацыі прафесійных удзельнікаў біржавога гандлю — біржавых брокераў устанаўліваецца на Беларускай універсальнай таварнай біржы з 1 чэрвеня, паведаміў БЕЛТА прэс-сакратар БУТБ Раман Яніў.


«Змяненні закрануць не толькі патэнцыяльныя, але і дзеючыя брокерскія арганізацыі, якія згодна з новым парадкам будуць падлягаць штогадовай акрэдытацыі. У прыватнасці, адмяняецца патрабаванне аб наяўнасці ў брокера не менш за два трэйдары, пры гэтым іх агульная колькасць не абмежавана. Для спрашчэння працэдуры акрэдытацыі і павышэння якасці брокерскіх паслуг уводзіцца бальная ацэнка як заяўнікаў, якія жадаюць акрэдытавацца ў гэтай якасці, так і брокераў, якія працуюць ужо на БУТБ, у тым ліку нерэзідэнтаў Беларусі», — сказаў Раман Яніў.

Цяпер, каб стаць біржавым брокерам або прайсці штогадовую акрэдытацыю, неабходна набраць па выніках ацэнкі 24 і больш балаў. Колькасць налічаных балаў залежыць ад адпаведнасці шэрагу крытэрыям. Напрыклад, за прыцягненне на біржавыя таргі ў якасці кліента раней не акрэдытаванай на БУТБ беларускай арганізацыі кампанія-заяўнік атрымае 3 балы за кожную, а калі прыцягнута замежнае прадпрыемства — 5 балаў. Калі ж у патэнцыяльнага брокера маецца запазычанасць па выплаце падаткаў, то ён аўтаматычна пазбавіцца 10 балаў.

Гэтыя новаўвядзенні не будуць распаўсюджвацца на брокераў, якія заключылі з БУТБ дагавор на біржавое абслугоўванне да 1 чэрвеня 2020 года.

ААТ «Беларуская ўніверсальная таварная біржа» створана ў 2004 годзе. Першыя таргі адбыліся ў чэрвені 2005 года. БУТБ — адна з буйнейшых таварных біржаў ва Усходняй Еўропе, галоўная функцыя якой — садзейнічанне беларускім прадпрыемствам па экспарце прадукцыі і прадастаўленне дапамогі замежным кампаніям па выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.

Цяпер на БУТБ акрэдытавана амаль 40 біржавых брокераў, у тым ліку 14 нерэзідэнтаў з 11 краін.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.