Вы тут

Піневіч: У Беларусі імкнуцца папярэдзіць наступствы COVID-19 для тых, хто паправіўся


Пра гэта сёння журналістам паведаміў першы намеснік міністра аховы здароўя Дзмітрый Піневіч, перадае БЕЛТА.


Першы намеснік міністра падкрэсліў важнасць не толькі шматступеннай сістэмы аказання медыцынскай дапамогі, але і сістэмы далечвання. Да яе падлучаныя рэспубліканскі клінічны шпіталь інвалідаў Вялікай Айчыннай вайны імя Машэрава, рэспубліканская бальніца медыцынскай рэабілітацыі ў Аксакаўшчыне, два санаторыі Мінпрацы і сацабароны, бальніца спелеалячэння ў Салігорску. «Мы ўжо глядзім наперад, каб прыбраць усе наступствы, якія могуць наступіць ў пацыентаў, якія так ці інакш сутыкаліся з гэтай інфекцыяй», — сказаў Дзмітрый Піневіч.

Сёння ў ходзе маніторынгу сітуацыі з COVID-19 ва ўстановах аховы здароўя ён наведаў 2-ю гарадскую клінічную бальніцу Мінска. Намеснік міністра адзначыў, што алгарытм дзеянняў тут ужо адпрацаваны, у тым ліку ў так званай чырвонай зоне. Пацыенты атрымліваюць увесь аб’ём неабходнай дапамогі. Паводле слоў першага намесніка міністра, сёння яго пытанні тычыліся не толькі самаадчування людзей. Ён цікавіўся, дзе пацыенты, з іх пункту гледжання, маглі быць інфікаваныя. Такія апытанні вельмі важныя. «Дзяржаўная санслужба Мінска штодня дае справаздачу па кожным пацыенце, кропцы, дзе, магчыма, было перасячэнне з інфікаваным. Асноўная наша задача — змяншэнне нагрузкі ў гэтым дачыненні», — сказаў Дзмітрый Піневіч.

Складзены план вываду ўстаноў аховы здароўя Мінска з функцыянавання ў сістэме аказання дапамогі пацыентам, інфікаваным COVID-19, на планавы рэжым працы. Мінскія бальніцы паступова да яго вяртаюцца. У якасці прыкладу першы намеснік міністра прывёў Мінскі гарадскі анкалагічны дыспансер, БХМД і гарадскую гінекалагічную бальніцу.

Прэв’ю: m24.ru

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.