У Мінску пачалі з’яўляцца пазначаныя паркоўкі для шэрынгавых ровараў

У сталіцы вызначыліся, як пазначаць месцы для паркоўкі велашэрынгу. Пра гэта інфармуе Telegram-канал «Мінск. Афіцыйна».

Вось як яны будуць выглядаць.

Гараджанам прапануюць прагаласаваць за або супраць такога рашэння. Зрабіць гэта можна ў канале.

Нагадаем, на мінулым тыдні аператару велашэрынгу прапанавалі вызначыць канкрэтныя месцы, дзе карыстальнікі змогуць пакідаць пракатныя ровары. Гэта трэба для таго, каб байкі не валяліся па ўсім горадзе.